Rawata e rua nai covi o Krishna

NA dauqito rogo ni veicaqe ena noda vanua ko Roy Krishna e mai rawata e rua na i covi ena ‘Wellington Phoenix Awards Ceremony’. A mai ciqoma o koya nai covi ni dauqito ni yabaki kei na sikoa ni yabaki.

E sa i ka lima ni gauna ena nona qito tiko ena kalavo ni veicaqe mai Wellington, a sa qito oti vaka 74 o Krishna ka caqeta curu rawa e 28 na sikoa.

E kena i rairai tiko ni na voroka o koya nai sausau ka a biuta tu o Paul Ifill ena timi ni Phoenix ena yabaki qo.

Ni da vakamuria na nona a qito voli o Krishna ena timi ni Auckland City FC, a mai toki kina Wellington Phoenix ena Janueri ni 2014. A mai ciqoma talega o Krishna nai covi ni dauqito ni yabaki ena timi e qito tiko kina ena yabaki sa oti.

More Stories