Rau na veivacu o Kwadjo kei Kali

Ko Joseph Kwadjo na dauveivacu ni Ghana kei Marc Ruescher. Veitaba: VAKARAUTAKI

E RAU sa na veivacu tiko o Joseph Kwadjo na cauravou ni Ghana kei Jacobus Kali na dauveivacu ni Vanuatu ena i ka 5 ni Me ena Prince Charles Park, Nadi.

Na veivacu qo e vakarautaka na ‘Best Bout Promotions’ ena kena biu vata na dauveivacu ka vakatokai tiko na ‘Fiji vs Vanuatu’.

A vakadeitaka na i tukutuku ni veivacu qo ko Hasmat Ali na poromouta ena nona a tiko e na Kiran Boxing Promotions ena koronivuli na Tilak High School mai Lautoka.

E tukuna o Ali ni o Kwadjo ena veivacu tiko kei Kali na jabeni veivacu mai Vanuatu ka sa waraki koya tiko mai me rau na veivacu.

E kaya ni rua talega na dauveivacu rogo e rau na veivacu tale tikoga, o Krishna Mudaliar kei Franco Fraser. O Kali esa vakadruka eso na dauveivacu rogo ni Viti me vakataki Sakeasi Dakua kei Temo Kolitapa.

E tukuna o Ali ni na lima na dauveivacu ni Vanuatu e ratou na mai veivacu tiko kei na lima na dauveivacu ni Viti. E ratou na mai sota tiko na lewe lima qo kei rau na veitacini na Mudaliar, Krishneel, Krishna kei Sachin. Ka rau na veivacu tale tikoga o Ulaiasi Qalomai kei Siliveni Nawai.
Porokaramu: (Main Bout) Joseph Kwadjo v Jacobus Kali, 8x 3mins- Krishna Mudaliar v Fred Nasep, Siliveni Nawai v Ulaiasi Qalomai; 6 x 3- Krishneel Mudaliar v Roy Ser, Abhay Chand v Jean Louis, Sachin Mudaliar v Remy Amo, James Singh v Matereti, Noa Tubuka v William Mel.

More Stories