Papitaiso ni Mesaia

OQO na i kuri ni tukutuku mai vei Talatala Qase ni Lotu Wesele o Pauliasi Vatanitawake ena vuku ni ulutaga na papitaiso.

Oqo na nona nanuma me baleta na ulutaga ni nona a tobu dromuci ena wai na gone turaga o Jisu. Ni wiliwili sara yani.

Ena Luke 12: 50 Sa tukuna ko Jisu ni sa dua na nona papitaiso me na papitaiso kina, kaya ko Jisu.

Sa dua na noqu papitaiso me?u papitaiso kina, a sa rarawa vakalevu na lomaqu me oti mada oqo.

Sa kena i balebale sa duatani ga na i naki ni papitaiso nei Jisu.

Ena Maciu 3: 14 Sa dredre sara vei Joni me papitaisotaki Jisu, sa kaya ko Joni sa dodonu ga vei Jisu me papitaisotaki koya, baleta na i naki ni papitaiso nei Joni, me baleti ira ga na tamata i valavala ca, ni ra sa veivutuni, ka me ra toburaki me ra vakasavasavataki na nodra i valavala ca.

Ia sa vakatara ga ko Jisu me papitaisotaki koya ko Joni, baleta ni na yaco mai na gauna me na vosota kina na vakoti ki na kauveilatai me da vakabulai kina na kai vuravura.

Ena Marika 10: 35- 41 Era sa cudru sara ko ira na tisaipeli e lewe 10 vei rau na veitacini ko Joni, kei Jemesa ena nodrau kaya vei Jisu, ni na rawa vei rau me rau na papitaisotaki ena papitaiso vaka Mesaia ka na papitaisotaki kina ko Jisu, ka rawa talega me rau na gunuva na bilo ni rarawa ena vakarau gunuva ko Jisu.

Ia sa dua na i tukutuku bibi e kaya vei rau ko Jisu, ke drau na gunuva na bilo wai ni rarawa kau na gunuva , ka papitaiso ena papitaiso me?u na papitaiso kina. Sa sega ni noqu me?u solia vakailoa, vei ira ga sa vakarautaki me nodra.

Ia ena Maciu 20: 23 Sa kaya ko Jisu sa sega ni noqu me?u solia vakailoa, vei ira ga sa vakarautaka ko Tamaqu me nodra.

Vei au, ke sa kaya ko Jisu ni sa rawa vei rau na veitacini oqo me rau laki tiko vata kei Jisu ena nona matanitu, baleta ni rau sa papitaiso toburaki ena papitaiso nei Jisu, sa dodonu talega vei keda, me da sa laki papitaiso ena sala ni papitaiso ko ya.

More Stories