Na veivesu

Update: 12:34PM E VAKARAITAKA o Gareth Baber na dauniveivakatavulici ni timi ni Fiji Airways Fiji 7s ni dua na vanua e gadreva o koya me na vakavinakataka ena nona mai tekivu dauniveivakatavulici vei Viti na veivesu vinaka me vakayacori. E kuria o Baber ni vica nai matai ni sotasota a totogitaki o Viti ena vica na veivesu e cake, pepa dromodromo.

E kaya ni sega ni vuna na nodra kaukauwa ni qito na dauqito se nodra vinakata me ra vakamavoataka e dua, na vuna ga ni cala na nodra veivesu. E kuria o koya ni levu talega na sega ni veivesu vinaka.

Ia, ena gauna qo esa tiko na dauniveivakatavulici ni veivesu me na cakacaka vata kei iratou na cauravou dauqito ka ratou sa veitalanoataka sara vakalevu nai vakarau ni tataqomaki. E kuria vei ira na dauniveivakatavulici, e tiki tikoga ni veituberi na kena veisautaki e dua na dauqito ena nona tataqomaki e sa kena i vakarau ga.

E tukuna talega ni nona mai tuberi Viti me na vakasaqara talega eso na taledi vovou ka me rawa ni veisosomitaki tiko vei ira na dauqito rogo ni Viti ka ra a vakairogorogo ena sota ni Olympics mai Rio era sa biuta na timi. 

E kaya ni sega ni kauwai vakatotolo ena sala me na vakasaqarai ira kina na cauravou dauqito.

E kaya ni sa tiko nai kumukumu ni cauravou dauqito vinaka ka me na qai vakaraici vinaka tiko na malumalumu e tiko me na vakavinakataki ka me rawa ni tarai cake e dua na timi vinaka.

E leqataka talega o Baber ni na rawa ni vakayalia eso na dauqito ena nodra sa na kaba cake tikoga na nodra ivakatagedegede ni qito ena loma ni yabaki.

Ia, esa kila rawa tiko o Baber ni levu tiko na taledi vuni e Viti ia vei koya esa na tovolea me na vakayagataka na taledi kei na nona rawa ni kauti ira mai na taledi qo ena veisotasota ni rakavi lewe ya vitu ena noda vanua ki na qito rakavi ni sotasota levu ni �World Rugby Sevens Series�.

Ena kacivaka tiko na nona timi kina sotasota ki Hong Kong o Baber ena macawa qo. Na timi ni Viti ena sota tiko kei Samoa ni oti na 12 ena 43 na miniti (12:43am) ena Vakarauwai mai oqo ena i matai ni qito vakatobu nei Viti ena sotasota mai Hong Kong.

More Stories