Na papitaiso ni gone

OQO na nona i tukutuku ka vola mai o Nai Talatala Pauliasi Vatanitawake, na i talatala qase vakacegu ena loma ni Lotu Wesele ka sa yabaki 88 ena yabaki oqo.

Oqo na veika e nanuma me baleta na nodra papitaisotaki na i solisoli. Ni wiliwili sara yani.

?Ena tauyavu ni lotu va- Karisito taumada sa na dau vakayacori sara na papitaiso me i vakaraitaki ka i vakadinadina ni sa vakabauti Jisu me nodra i vakabula.

Ia ko ira na qase bulabula vinaka , sa rawa me ra toburaki ke tu na uciwai. Ia ko ira na malumalumu kei na gone lalai sa rawa ga me ra tabaki ena wai me ra sa vakalougatataki kecega na vuvale,

Sa koto oqo e tolu na vuvale, eratrou sa vakabauti Jisu na i liuliu ni vuvale, ka sa dodonu me ratou sa papitaiso ko iratou yadudua ga.

Ia sa ka dredre sara me ra sega ni kauwaitaki na lewe ni vuvale me ra sa papitaiso kecega.

Mai Filipai, sa veivutuni, ka vakabauta e dua na marama ko Litia, ka sa papitaiso sara ka wili kina ko ira na nona vuvale.

Ena Cakacaka 16: 15 Sa vaka talega kina o koya na i vakatawa ni valeniveivesu, ni sa oti na kena yavalati na valeniveivesu, sa domobula ko koya ka nanuma me sa vakamatei koya.

Ia sa tarova ko Paula, ka tukuna vua me sa vakabauti Jisu ena qai bula kina.

Ia sa papitaiso ko koya kei ira kecega na nona vuvale me vaka e tukuni ena Cakacaka 16: 33.

Mai Koronica, sa veivutuni ko Sitifana ka vakabauta na Turaga. Sa mani papitaiso sara kei ira kecega na nona vuvale ena IKoronica 1: 16

Ena nona vunau tiko ko Pita, ka lewe vuqa era sa veivutuni ka ra sa papitaisotaki.

Ia sa nanumi ira tiko na gone ko Pita ka lewe vuqa era sa veivutuni ka ra sa papitaisotaki.

Ia sa nanumi ira tiko na gone ko Pita, ka me ra sa okati talega ena veiyalayalati me baleta na papitaiso ena Cakacaka 2: 39.

Na vosa ni yalayala ni papitaiso sa baleti kemuni na qase kei ira talega na gone kei ira kecega era sa kacivi mera nona na Turaga.

Ena vuku ni veiyalayalati oqo, era sa nanuma kina na veimatalotu lelevu va- Karisito me vaka na lotu Katolika, na Church of England, na Lotu Wesele kei na veilotu tale eso mera sa vakaliuci na i solisoli ni Kalou na gone, na nodra savasava na gone era sa vakatauvatani ki na lewe ni matanitu ni Kalou?

Ena qai kuri tale ena macawa mai oqo.

More Stories