Na Domo ni Parofisai mai na Lotu i Kavitu

ESA koto oqo e ra na i kuri ni itukutuku ni Domo ni Parofisai mai na Lotu i Kavitu ni Lesu Vakarua Mai, ni wiliwili sara yani.

5. Na i Vakabula ka Yalataki

Ni sa oti e vica tale na drau na yabaki sa qai sucu mai Peceliema ko Jisu.

?A sa so nai vakatawa ni sipi ena vanua ko ya, era sa tiko mai na vanua veico, a ra veivuke me vakatawa na sipi ena bogi… Ka raica sa dua na agilosi ni turaga sa rairai vei ira.

A sa cila vakavolivoliti ira nai ukuuku ni Turaga, a ra sa rere vakalevu. A sa kaya vei ira na agilosi. Dou kakua ni rere, raica au sa kauta mai vei kemudou e dua nai tukutuku vinaka, mo dou reki vakalevu kina kei ira kecega na tamata.

Ni sa sucu vei kemudou ena siga oqo ena koro i Tevita, nai Vakabula, ko koya na Karisito na Turaga.

Ia, oqo na kena i vakatakilakila vei kemudou, dou na kunea na gone sa viviraki vua na i sulu ni gone, a sa davo ena nodra tikina na manumanu.

A ra sa lewe vuqa na kai lomalagi era sa tiko vakasauri vata kaya, a ra sa vakavinavinaka Vua na Kalou, ka kaya, Sa nona na Kalou na vakarokoroko ena veiyasana e cake sara!

A ra sa veivinakati rawa ko ira era e vuravura, sa lomani ira na tamata.? Luke 2:8-14.

Oqo na i talanoa totoka duadua e na i Vola Tabu.

E kaya na agilosi, ?Drau vakayacani koya ko Jisu, ni sa i koya ga ena vakabulai ira na Nona tamata mai na nodra i valavala ca.? Maciu 1:21.

Nai balebale ni yaca i Jisu, Na i Vakabula. A tekivutaka na Nona cakacaka ni sa papitaisotaki oti ni rauta ni yabaki 30.

E a vunau, veivakatavulici ka veivakabulai voli ko Jisu me tolu ka veimama na yabaki. Ko ira na nodra iliuliu na Jiu era bese ni vakabauta ni a talai Jisu mai na Kalou, ni luve ni Kalou talega.

A digitaki iratou tauyavutaka na Lotu va-Karisito.

Ni sa tauyavutaka oti na i matai ni soqosoqo lewe ni lotu ko Jisu, a kaya vei Pita: ?Ia, ena dela ni vatu oqo, ka?u na tara kina na noqu i soqosoqo lewe ni lotu, ia ena sega ni rawata na matamata ni koro ko Etesi.? Maciu 16:18.

E tamata kaukauwa ko Pita.

E sega ni vatu ko Pita, ko Jisu ga na vatu, ka ni a tara Vua na lotu. Ko Jiutasa e dua vei iratou na Nona tisaipeli, e a sa soli Jisu.

Era beitaki Jisu vakailasu, vakanakuitataki Koya ka vakota ki na kauveilatai ena yakavi ni siga Vakaraubuka.

A davo no ena i bulubulu e na Siga Tabu.

E na matakacaca ni matai ni siga ni macawa (Sunday) a lako sobu mai lomalagi e dua na agilosi ka kacivi Jisu mai na i bulubulu.

E ratou tiko vata tale kei Koya na Nona tisaipeli ka bogi 40.

E na dua na siga eratou a lako vata kaya na tisaipeli ki na ulunivanua ni veiolive, ka tukuna ko koya kei iratou: ?Ia, dou na rawata na kaukauwa… dou na qai dau tukuni au mai Jeruisalemi kei Jiutia taucoko kei Samaria ka yacova na i yalayala kei vuravura.

Ni ratou tu ga vaka koya- vakasauri sa qai kau cake ni ra sa vakaraica tiko, a sa dua na o sa tabonaki Koya mai na matadra.

Ia, ni ra sa rai matua ki lomalagi, ni sa lako yani ko Koya, raica, e lewe rua na tamata sa tu voleka vei ira, e rau vakaisulu vulavula, a rau sa kaya; ?Oi kemudou na kai Kalili, dou sa tu ka rai matua ki lomalagi ena vuku ni cava?

?Ko Jisu oqo ko Koya sa kau tani cake ki lomalagi ena lako tale mai me vaka kina, me vaka dou sa raici Koya ni sa lako ki lomalagi.? Cakacaka 1:8-11.

A kaya ko Jisu ni sa lako cake, ena lesu tale mai.

E sa oti oqo e 1900 na yabaki vakacaca na Nona biuta na vuravura ko Jisu.

Sa noqu masu me vukei keda na Kalou ena noda wilika, vakabauta ka muria na nona vosa.

Ena qai tomani tale yani.

More Stories