Na Domo ni Parofisai mai na Lotu i Kavitu

ESA koto oqo e ra na i kuri ni itukutuku ni Domo ni Parofisai mai na Lotu i Kavitu ni Lesu Vakarua Mai, ni wiliwili sara yani.

Ko Jisu nai Vakabula e Veivakurabuitaki e dodonu me da rokovi Koya, ka me da cakava na ka e vinakata vei keda.

E na i vakatekivu e a tiko mai lomalagi ka lako mai e na vuravura oqo me vaka e dua na gone lailai.

Me mai sauma na i sau ni valavala ca.

E sosomitaki keda me mate, ka sa vakaturi koya cake tale na Kalou ka sa tiko mai lomalagi me vukei ira na Nona e na vuravura oqo.

E na lesu tale mai ko Jisu, ka sa tu Vua na kaukauwa me vakaturi ira cake na mate mai na nodra i bulubulu, ko ira era vakabauti Koya.

17. Ni da sa vakatusa na noda i valavala ca vei Jisu, a cava ena cakava ko Koya?

?Kevaka eda sa vakatusa na noda i valavala ca, sa yalo dina, ka yalo dodonu ko koya me bokoca na noda i valavala ca ka vakasavasavataki keda mai na ka kecega sa sega ni dodonu.? 1 Joni 1:9.

Sa dua na vosa yalayala talei.

E vinakati keda ko Jisu me da vakatusa na noda i valavala ca.

Ka na lomani keda veitalia ga se vakaevei na kena ca ni noda i tovo.

E na vosoti keda ka vakabulai keda.

Kauta Vua na nomu i valavala ca walega oqo. Sega ni yaga me vukei iko e dua.

Mo kerei Jisu ga ka tukuna Vua ni ko sa veivutuni, ka kerei Koya me vosota ka lomani iko.

18. Na cava e cakava tiko ko Jisu ena gauna oqo?

?Ko koya sa vakaceceretaka na Kalou e na ligana i matau me Turaga ka i vakabula, me solia kina na veivutuni vei ira na Isireli, kei na vakabokoci ni valavala ca.?

Cakacaka 5:31.

?Sa vuqa na tikina e na vale nei Tamaqu kevaka sa sega au sa tukuna vei kemudou.

Ni ka?u sa lako me?u vakarautaka na tikina me nomudou.

Ia, kevaka ka?u sa lako ka vakarautaka na tikina me nomudou au na lako tale mai, ka kauti kemudou vei au, mo dou tiko talega ena vanua ka?u sa tiko kina? Joni 14:1-3.

Sa tiko mai lomalagi ko Jisu kei na Kalou na Tamana. Ka sa vakarautaka tiko ko Koya e dua na vanua, me nodra ko ira era sa lomani Koya.

Ka na kauti ira cake me ra la?ki tiko vata kei Koya. Sa na daumaka dina ni da vakananuma, na Bula Tawa mudu vata kei Jisu mai lomalagi.

E na sega na tauvimate se na mate.

E kerei keda ko Jisu me da solia na noda bula Vua oqo?

E vinakata ko Koya me kauti iko mo la?ki tiko vata kei Koya mai lomalagi.

Sa noqu masu me vukei keda na Kalou ena noda wilika, vakabauta ka muria na nona vosa.

Ena qai tomani tale yani.

More Stories