Na Domo ni Parofisai mai na Lotu i Kavitu

ESA koto oqo e ra nai kuri ni itukutuku ni Domo ni Parofisai mai na Lotu i Kavitu ni Lesu Vakarua Mai, ni wiliwili sara yani.

Na Agilosi Sa Rauti Keda

17. E vica na agilosi era tiko kina?

E vakaevei na nodra kaukauwa?

?Au a qai raica, ia ka?u a rogoca na domo ni agilosi e lewe vuqa, o ira era sa vakavolivolita na i tikotiko vakaturaga, kei iratou na ka bula kei ira na qase; ia na kedra i wiliwili sa oba vakatini na udolu, ka vuqa tale na udolu.? Vakatakila 5:11

Ko ira era kaukauwa cake mai na ka kece e bulia na Kalou.

Era tu ekea me ra qarauni keda.

E na gauna ni noda leqa, era na vukei keda. Ia, na i Vola Tabu e vakatokai ira me ra i talatala ni Kalou.

Era cakacaka Vua na Kalou.

E talai ira mai na Kalou me ra vukei keda.

18. Ni yaco e dua na leqa, sa yalataka tu na Kalou ni na tala mai na nona agilosi me vukei keda.

?E na sega kina ni yacovi iko e dua na ka ca, e na sega talega ni torova na nomu vale e dua na mate e dau veitauvi.

Ni na vakaroti ira na nona agilosi ko Koya ena vukumu, me ra maroroi iko ena nomu i lakolako kecega.? Same 91:10, 11.

E na so na gauna, eso na tamata era dau dredrevaki keda ni da dau tovolea me da caka dodonu, ka wilika na noda i Vola Tabu, ka masu.

Eso na gauna eso na tamata era dau via vacuki ira na tamata ni Kalou.

A ya era tovolea me ra vakarerei ira.

Ia, ni sa yaco mai na leqa, sa yalataka tu na Kalou ni na tala mai na Nona agilosi.

Era na maroroi ira na Nona tamata.

Kevaka ko na dina tiko Vua na Kalou, na Nona agilosi e na qarauni iko ena veigauna kecega.

19. A cava na nodra cakacaka levu taudua na agilosi?

Na agilosi e vakaraici ira na tamata ka ra via caka dodonu, ni ko na leqa era na tu me ra na vukei iko, mo dau masu Vua na Kalou, ka me ra qai dau vakatawai iko tu ga na Nona agilosi.

Nai Talanoa ni Agilosi

E na vica na yabaki sa oti ena dua na yanuyanu mai Sumatara, e a cabe yani kina na lotu. Ia, o ira na lewe ni vanua oqo era tu sara tu vakabutobuto, era tamata cudrucudru, ka ra dau sevaki ira na tamata lotu.

E na dua na bogi era a lako yani kina me ra sa la?ki vakamatei koya na i talatala.

Ena gauna era sa lako yani kina, volekata na nona vale era sa raica eso na tamata vulavula ka ra duri wavokita tu.

Era toso yani, ka kaya sara e dua vei ira, ni sega ni rere, ia e na gauna era sa toso volekata yani kina na yasa ni vale, e ka ni kurabui vei ira ni a cici lesu mai ka rere vakalevu sara.

E a qai kainaka ko koya ni o ira na i vakatawa ka ra duri tu kina era taura tu i ligada na i seleiwau ka sa vaka na bukawaqa.

Ni oti e dua na gauna dede, era sa qai tarogi koya na i talatala, se vunitaki ira tiko e vei na nona i vakatawa.

Sa qai tukuna ko koya vei ira na nona wiligusu,

?Na agilosi i Jiova sa tiko vakavolivoliti ira era sa rerevaki koya, ka sa vakabulai ira.? Same 34:7.

Na lesoni ka tarava

O cei e a bulia na noda vuravura?

E dina beka na nodrai vakamacala na vuku ni da vu mai na maqe?

Oqori na veitaro eso era dau taroga na lewe vuqa. Taura na i Vola Tabu me vakaotia na nomu vakatitiqa.

Sa noqu masu me vukei keda na Kalou ena noda wilika, vakabauta ka muria na nona vosa.

Ena qai tomani tale yani.

More Stories