Na Domo ni Parofisai mai na Lotu i Kavitu

ESA koto oqo e ra nai kuri ni itukutuku ni Domo ni Parofisai mai na Lotu i Kavitu ni Lesu Vakarua Mai, ni wiliwili sara yani.

Na Koro Totoka Koya
6. E vakaevei na levu ni Jeruisalemi Vou? A cava e kaya kina na i Vola Tabu?

A sa kauta na yaloqu ko Koya kina dua na ulunivanua levu ka cecere; a sa vakatakila vei au na koro levu, ko Jeruisalemi savasava, sa lako sobu mai lomalagi mai Vua na Kalou, a sa tu kina na i ukuuku ni Kalou; ia na kena rarama e vaka na vatu dredre sara, e vaka na vatu jasipa, e vakaraitayaloyalo me vaka na karisitala, ia na kena bai e levu ka cecere, a sa tinikarua na kena matamata ni koro, a sa lewe tinikarua na agilosi sa tu e na matamata ni koro, a sa volai kina na yacadra, ia, oqori na yacadra na mataqali tinikarua na Isireli; e tolu na matamata ni koro sa donuya Natuicake, e tolu na matamata ni koro sa donuya na Tokalau, e tolu na matamata ni koro sa donuya na Ceva, e tolu na matamata ni koro sa donuya na Ra.

Ia, na kena yavu na bai ni koro sa tinikarua, a sa tu kina na yacadra na i apositolo ni Lami e lewe tinikarua.

Ia, sa taura e dua na gasau koula ko koya sa vosa vei au, me katuma kina na koro, kei na kena matamata ni koro, kei na kena bai.

Ia, sa va na yasa ni koro, a kena balavu e tautauvata kei na kena raraba, a sa katuma na koro ko Koya ena gasau, ka sa tinikarua na udolu na kena falogi.

Ia, sa tautauvata na kena raraba kei na kena cecere.” Vakatakila 21: 10-16.

Na koro e tautauvata na yasana vava. Na balavu ni dua na yasana e 375 na maile. (E walu na falogi e na dua na maile). E vakaraitaki ena i Vola Tabu ni balavu ni koro e 12,000 na falogi se 375 na maile.

Na koro e 1,500 na maile wavoki.

Oqo e dua na koro vakaitamera, ka na rauti ira vakavinaka na yalo savasava.

Sa tu talega kina e dua na nomu tikina.

E tinikarua na kena matamata ka caka e na mata ni civa makumakuwaliliva. (Vakatakila 21:21).

Na kena gaunisala e koula. (Wilika na Vakatakila wase 21, 22) ka vakamacalataka vakamatata na Jeruisalemi vou.

7. E na kune beka na rere vei ira na lewe ni koro?
“Ka na sega e dua me vakarerei koya.” Jeremaia 30:10.

“A sa sega ni yaga e na koro oqo na matanisiga se na vula, me cila kina, ia na i ukuuku ni Kalou, sa vakararamataka, ka sa kena rarama na lami.” Vakatakila 21:23.

Ni sa na vakasavasavataki oti na vuravura oqo ena bukawaqa, sa na qai lako sobu mai lomalagi na Jeruisalemi vou, ka dabe e dela ni vuravura.

E kaya ko Jisu, “Ni yalo malua e na taukena na vanua.” Maciu 5:5 Na vosa ni yalayala oqo era na qai taukena na yalo savasava ka na tiko vata kei ira na Kalou.

Na vuravura ena i tikotiko liu vei ira na veivuravura tale eso, ka ni na tiko eke na Koro Tabu ka tawa mudu. Sa i koya oqo na gauna esa na qai suka tale mai kina na Iteni ka yali.

Sa noqu masu me vukei keda na Kalou ena noda wilika, vakabauta ka muria na nona vosa.

Ena qai tomani tale yani.

More Stories