Na Domo ni Parofisai mai na Lotu i Kavitu

ESA koto oqo e ra na i kuri ni itukutuku ni Domo ni Parofisai mai na Lotu ni i Kavitu ni Lesu Vakarua Mai, ni wiliwili sara yani.

Na Lesoni Ka Tarava

Lesoni 10 e baleti Lomalagi, se na Iteni Vou. Ena tu beka kina na manumanu yava i va? Era na tiko beka kina na gone lailai? A cava eda na cakava mai kea?

Eda na la?ki veikilai beka kina?

Lesoni 10. Na Nona Vuravura Vou na Kalou

Wiligusu:?Raica, ka?u sa bulia na lomalagi vou; ia ena sega ni nanumi na ka e liu, e na sega ni curu tale kina lomamudou.? Aisea 65:17

Eda sa vulica oti na veika e baleta na kena buli na vuravura.

Eda raica talega kina ni valavala ca e a vakaleqa na i naki ni Kalou.

E na loma ni 6000 na yabki, e veisureti tiko na Kalou me biu na i valavala ca, ka me ra vakarautaki ira na tamata kina lomalagi vou kei vuravura vou.

Na lomalagi vou na nodra koro lagilagi bna tamata ni Kalou, ka na tawa mudu.

Na koro oqo e vakarautaka tiko ko Jisu Karisito.

Ko ni na kurabui kevaka ko ni kila na koro dina ko lomalagi, ka koro totoka.

Nai Matai Ni Nona i Naki Na Kalou E Na

Vakayacori

1. A cava na vuni nona bulia na vuravura qo na Kalou?

?Ni sa kaya vakaoqo ko Jiova, ko Koya ka bulia na lomalagi, na Kalou, ko Koya ka bulia na vuravura, ka cakava, sa vakataudeitaka ko Koya, a sa sega ni cakava me lala, sa bulia ga me tawa. Koi au ko Jiova; ka sa sega e dua tale.? Aisea 45:18.

E a vakatoka na Kalou me yaca ni teitei oqo ko Iteni ka me nona na tamata. Ni sa curu kina i valavala ca sa mai leqa na i matai ni draki.

Ia, na Kalou e se tudei tu ga na i matai ni nona nanuma, aya me vakalesui tale vua na tamata na Iteni ka sega kina nai valavala ca.

?Ni na vakacegui Saioni ko Jiova, e na vakaceguya na nona veiyasana lala, e na cakava na nona talasiga me tautauvata kei Iteni, na nona veikau me tautauvata kei na were i Jiova, e na kune mai kina na reki kei na marau, na vakavinavinaka kei na domo ni sere.? Aisea 51:3.

E na Maika 4:8, e kaya vakaoqo,… ?ena yaco ki vei iko, io, na lewa e liu.? Oqo e vakaraitaka ni na vakalesui tale vua na tamata nai teitei ko Iteni.

Na i matai ni Iteni e a yali ena vuku ni valavala ca, ia na Iteni Vou e na soli vei keda, kevaka eda tauri Jisu. Na Kalou e na vakavouya na vuravura ca oqo, ka na tu ga kina na marau.

1. A cava na vakanuinui tu kina ko Pita?

?Ia, koi keda, me vaka na nona vosa ni yalayala, Eda sa waraka na lomalagi vou kei na vuravura vou, sa tiko kina nai valavala dodonu.? 2 Pita 3:13.

Na tikina oqo e tautauvata kei na noda wiligusu.

Na noda vuravura ca oqo e na vakavoui. Na i matai ni tolu na wase ni Vola Tabu e vakaraitaka na i teitei ko Iteni kei na kena curu mai nai valavala ca, ia nai otioti talega ni 3 na wase ni Vola Tabu e vakaraitaka na Iteni Vou kei na kena vakawabokotaki na i valavala ca.

Sa noqu masu me vukei keda na Kalou ena noda wilika, vakabauta ka muria na nona vosa.

Ena qai tomani tale yani.

More Stories