Me vukei

E VAKAMACALATAKA o Sailosi Naiteq+e na dau ni veivakatavulici ni timi le ya vitu ni Samurai Baracudas, ni kevaka e vinakata o Ben Ryan me kauta mai na koula mai Rio, e dodonu vua me kerea e so na dau ni veivakatavulici ni timi ni Viti, ka ra kena dau e na terenitaki ni vakasama me ra sa veivuketaka yani na noda timi ni vanua.

E kaya na turaga ni vanua o Vuna e na koro ko Sawani oqo, ni sa vo sara ga vei ratou na cauravou na veika lalai vaka koya me ratou biuta laivi e na qai rawati kina na qaqa.

Tomana na nona i vakamacala ni dodonu me terenitaki vakavinaka na i tuvaki ni nodratou vakasama e na gauna e sa voravora mai kina na qito, ka kakua ni ko lai nanuma tiko na kedratou i rogorogo na timi mai yasana kadua, ka sega ni o tiko e na i tuvatuva (game plan) e sa vakavulici yani e tuba.

?Raica ga na gauna e sa kaukauwa kina na qito, e sa sega madaga ni vesuki vinaka na tamata kei na polo, ka ni galala vinaka sara tu ga na polo,? e kaya.

Kuria ni dodonu me ratou vakarautaki ratou vakavinaka e na i tuvaki ni yago kei na vakasama ni se bera na qito.

?Au raica madaga e na noqu kila vaka dau ni veivakatavulici ni se sega sara ga ni tu e na dua na i vakatagedegede vinaka na i tuvaki ni yagodratou.

?Kena i karua, au sa taroga oti vei nodratou vuniwai ni ratou vakarau lako e tukuna ni sa tuvaki vinaka sara tu ga na yagodratou, ia, ni vakarau ga na qito, e sa dua na ka na i vadreti e vakavivigi tu vei ratou?

?Oya beka na ka e kaya tiko na nodratou vuniwai, se ratou via dara walega me ratou ukutaki ratou kina e rara,? e kaya.

Tomana o Naiteqe ni gauna e dua e sa qito tiko kina, e na vinakata na buno me lako mai tuba, ka mo ceguva talega na cagi bulabula.

Ia, kevaka me qai tao tiko na nomu buno e na vavaku ni vadreti vulavula o ukutaki iko tiko kina, e na kauta totolo mai vei iko na yalo katakata, na yalo totolo ka na sega ni la?ki matata kina na nomu vakatulewa e na loma ni rara.

Na kena i katolu e sa na lekaleka na nomu i cegu ka sa na sega ni vakayacori vakavinaka sara na veika o dou tuvalaka mai ni se bera na lade e loma ni rara. Sa nuitaka tiko o Naiteqe ni na dua na veisau me na yaco vei ratou na timi, baleta ni so vei ira na i lala oya era sa qase tiko mai ka sa berabera talega na nodra cicivaka na polo.

E tinia na nona i vakamacala o Naiteqe ni o keda na kai Viti me tauri keda ga e dua na noda.

More Stories