Me soli ga vei dauniyau

E dodonu me ra na galala mai ena veika vakailavo ena loma ni lotu na i Talatala, ka laiva na veika vakailavo vua na Dauniyau se na Tuirara, kaya na Qase Levu o Talatala Tevita Banivanua Nawadra

“E dodonu me na vakanamata ga na i Talatala ki na veika vakayalo ena loma ni soqosoqo lotu e qarava tiko,” e kuria o Talatala Nawadra. E na nona vakamacala tiko ki na Nai Lalakai, tukuna ni ra sa vakararamataki tikoga na i vakailesilesi kece ni lotu ena loma ni wasewase e 58 na veika e sa vakanamata tiko kina na lotu.

E a mai tavoci na Lako Yani Vou ni lotu ena yabaki 2014, ka lako vata kei na Yavu ni Vakavulewa ni lotu, kei na yavu ni cakacaka e ra sa vakaroti kina na i Talatala Qase me ra na vakamuria.

‘E dua na bose oqo e sa na vaqaqacotaka tale ka vukei ira tale na i Talatala Qase kei na tuirara levu ena nodra kila vinaka na i tavo me ra na qarava kei na laini ni veiqaravi me ra na muria tiko.

“Baleta ni sa katolu ni yabaki oqo, e levu na veisau e vakayacora tiko o keitou na  vakailesilesi e cake, ia eda sa na vakanamata tikoga ki na veika vinaka e sa tu mai liu me na taurivaki yani,” e kuria o Nawadra.

E vica talega na i ulutaga lelevu era sa vakananumi tiko kina nai Talatala Qase ni bera ni ra na qarava yani na nodra bose vakayabaki ni bera ni ra na mai sota ena Bose ni Koniferedi ena vula o Okosita.

More Stories