Me namaki o Natabua

ESA na dua na ka me na nanamaki kina na Marist Brothers High School ena yabaki qo e na vuku ni koronivuli mai Natabua ka ni levu na nodratou dauqito ka taura na metali koula era na vakaitavi tale ena yabaki qo e na sotasota ni Coke.

Ena yabaki sa oti e a mai karua na Natabua High School e na wasewase vei ira na gonetagane ka lailai ga mai na tolu na koula mai vei Marist Brothers High School.

 E walu mai na 11 na koula e rawata o Natabua ena yabaki sa oti e rawa mai na veitaucici kei na tolu na koula mai na qito viritaki ka bi, cokataki moto kei na lade.

E vakaraitaka na dauniveivakatavulici ni timi ni Natabua ko Jovesa Naivalu ni na qito tiko e na yabaki qo e 85 na nona dauqito.

E vica na yaca rogo e na nona timi ni Natabua oya ko Batinisavu Uluiyata, Tyrone Chambers, James Cox, Seremaia Cokomata, Rusiate Doroi, Josefa Matau kei Iliesa Ratete.

Ia, na sotasota ni Coke e na tekivutaki tiko ena i ka 24 ni vula qo kei na i ka 25 e na ANZ Stadium e Suva.

More Stories