Me na dolava o Bainimarama

Update: 10:34AM E namaki me na laki dolava na bose ka raici kina vakabibi na noda cakau mai Savusavu na noda i liuliu ni matanitu o Voreqe Bainimarama.

Ena yabaki oqo ena vakatokai tiko me International Year of the Reef ka na vakayacori mai na Koro Sun Resort mai Savusavu.

Ena tiki ni sota oqo na nodra na laki raica eso na porokaramu na lewenibose ena vuku ni kena maroroi ka taqomaki na noda i yau bula kei na qoliqoli. Namaki me na vosa talega ena bose qo na Tui Macuata, o Ratu Wiliame Katonivere.

E ra veitokoni ena soqo oqo na matanitu, na tabana ni WWF e na Pasifika, na Uto ni Yalo Trust Fund ena kena tovolei me vakabibitaki tiko na noda maroroya na noda cakau, kei na i yau bula na lewenivanua e Viti.

Ena rogoci talega ena bose bibi oqo na veika e sa rawati tiko ena nodra i yau bula na vanua o Macuata, ena kena laurai na levu ni ika, na i tuvaki ni cakau kei na veika matailalai era dau vakadikeva na kena dau.

E ra na tiko talega ena soqo bibi oqo e so talega na turaga ni vanua e Macuata me vakataki Tui Nadogo o Ratu Ilisaniti Malodali.

E namaki me na levu sara na veika vinaka ena veitalanoataki ni cava na soqo oqo mai Savusavu.

More Stories