Mavoa o Tuisova

Update: 11:01AM ESA na sega ni qito ena timi ni Flying Fijians ena qito mai Iurope na cauravou wigi ni Toulon ka taukena na metali koula mai Rio oya ko Josua Tuisova.

E a mavoa o Tuisova ena nona qito tiko e na timi ni Toulon ena nodratou a mai druka vei Saracens ena sotasota ni European Champion Cup.

Ena wawa tale vakalailai o Tuisova me rawa ni qai daramaka na siqeleti ni rakavi tinikalima ni Viti ia, ena vakacegu tiko o koya ena loma ni rua na vula.

Ia, esa digidigi tiko o John McKee na dauniveivakatavulici ni timi ni Viti me na kacivi Benito Masilevu se ko Levani Botia ena nona sa lesu tale ki na timi ni La Rochelle ena nona a mai cegu tu ena lima na vula ena vuku ni mavoa.

E rau na qito tiko na timi ni Vodafone Flying Fijians kei na timi ni Barbarians ena i ka 12 ni Noveba, sota kei Igiladi ena i ka 19 kei Japani ena i ka 26 ni siga.

More Stories