Matai ni gauna

E VAKABAUTA o Gareth Baber na dauniveivakatavulici ni timi ni Fiji Airways Fiji 7s ni ratou na sasaga na cauravou vou ni timi ni Niu Siladi me ratou na vakadrukai ratou na noda cauravou ena qito vakatobu mai Hong Kong.

A tukuna na ka oqo o Baber ka ni ratou tobu vata kei Viti o Samoa, Niu Siladi kei Rusia. Ia, e dua talega na itukutuku matanidavui ka ni se qai matai ni gauna me digitaki e vitu na cauravou ni Viti ena timi ni rakavi lewe ya vitu ni Niu Siladi me na qito ena sotasota mai Hong Kong.

Na cauravou lewe vitu oqo ko Rocky Khan, Luke Masirewa, Amanaki Nicole, Jona Nareki, Joe Ravouvou, Salesi Rayasi kei Akuila Rokolisoa.

Na timi ni Niu Siladi e vakauta e rua na timi, e dua ena la?ki qito ki na sotasota mai Hong Kong kei na kena i karua ni timi ena la?ki qito ena sotasota ni Commonwealth.

Ia, e ratou sa vakavakarau vinaka tiko na noda cauravou dauqito ena gauna qo mai Hong Kong.

Na timi ni Viti ena sota tiko kei Samoa ena i matai ni nona qito vakatobu ni oti na 12 ena 43 na miniti ena Vakarauwai, sota kei Rusia ni oti na 5 ena 54 na miniti ka na qai sota tiko kei Niu Siladi ni oti na 9 ena 54 na miniti ena bogi ni Vakarauwai.

Na kota fainala ena tekivutaki tiko ni oti na 12 ena 15 na miniti ena Siga Tabu, semi fainala ena tekivutaki tiko ni oti na 7 ena 41 na miniti kei na fainala levu ena vakayacori ena 11 na kaloko ena bogi ni Siga Tabu.

More Stories