Mai kawalu o Viti

NA i matai ni gauna me qaqa kina vei Varanise ka ratou sa lade cake talega kina na timi ni Flying Fijians ki na i kawalu ni tutu ena vatavata ni tuvatuva ni timi e na noda vuravura ena sotasota ni rakavi tinikalima e vakaraitaka na yaga ni veika e rawati rawa ena sota mai Parisi.

Ena 12 na vula sa oti, a qaqa na timi ni Viti ena sotasota ni World Rugby Pacific Challenge kei na sotasota ni World Rugby U20 Championship ena nodrau rawata mai na ulu ni covi na timi ni Fiji Warriors kei na timi ni yabaki 20 ni Viti, ia na timi ni Fiji Drua e qaqa ena fainala ni sotasota ni Australia National Rugby Championship ka vaka kina qo na nona sa mai qaqa ena i matai ni gauna na timi ni Flying Fijians vei Varanise ena 21 kei 14 ena Stade de France.

A dolava na sikoa o Semi Radradra ena nona tabaka na polo ena i ka 19 ni miniti ka sauma lesu mai o Varanise ena nona sikoa o Guilhem Guirado, a tabaka tale e dua na sikoa o Guirado ena matai ni veimama ka caqeta curu ruarua na kena i caqe ko Baptiste Serin. A liu tu o Varanise ena matai ni veimama ena 14 kei 12.

Ia, ena i karua ni 40 na miniti e sega ni tarova rawa o Varanise na kaukauwa ni qito nei Viti ka vakavuna me caqeta e tolu na i totogi o Volavola ka vakavuna me qaqa kina o Viti. Na wiliwili taucoko ni poidi nei Viti esa 77.95 ka vakavuna me liu kina vei Varanise kei Argentina.