Lomaleqa o Niu Siladi

E VAKABAUTA na ‘halfback’ ni Niu Siladi ko Shaun Johnson ni na dua na lutu sobu levu ke ratou sega ni yacova na fainala ni sotasota ni rakavi tinikatolu ni vuravura (Rugby League World Cup).

E lomaleqataka na timi ni Niu Siladi na nodratou sega ni bau druka vakadua na timi ni Vodafone Fiji Bati ena nodratou liutaka mai na Tobu D ni oti na nodratou vakadrukai Itali ena 38 kei 10.

E kuria o Johnson ni dodonu me ratou sa na muria tale e dua na gaunisala ia e ratou sa vakarautaka rawa ena gauna qo ni bera na sota kei na Bati.

E vakaraitaka ko David Kidwell na dauniveivakatavulici ni timi ni Niu Siladi ni gadrevi vakalevu na tataqomaki vinaka kei na vakamuria na lawa me vakalailaitaki na nodratou rawa ni bote rawa na cauravou ni Viti vakauasivi o Jarryd Hayne, Kevin Naiqama kei Suliasi Vunivalu.

E kuria o Kidwell ni o Viti e rawa ni sikoa ena yasana ga e vinakata me sikoa kina, ia e dodonu ga me ratou na tataqomaki vakavinaka.

A tukuna o Joseph Tapine na i yatu e liu ni Niu Siladi ni rawa ni vakadruka na timi ni Niu Siladi ena qito ni vuravura.

E a vosa tale tikoga o Tapine ena vuku ni nodra na lewe levu tiko na dauveitokoni vei Viti ena Vakarauwai qo.

Na timi ni Vodafone Fiji Bati ena sota tiko kei na timi ni Niu Siladi ena veimama ni vitu (7.30pm) ena Vakarauwai qo ena kota fainala ni rakavi tinikatolu ni vuravura mai Wellington.

More Stories