Liu o Kane ena sikoa e caqeti

ESA liu tiko ena gauna qo vei ira na dauqito e levu duadua na sikoa e rawata ko Harry Kane na kavetani ni timi ni Igiladi ena sotasota ni 2018 FIFA World Cup.

E caqeta curu rawa o Kane e lima na sikoa ena rua na qito. E a caqeta curu rawa e rua na sikoa ena sota kei Tunisia ka caqeta e lima na sikoa ena sota kei Panama.

Ia, e rau mai tai toka ena i karua ni dauqito ka rau na va na sikoa ko Cristiano Ronaldo ena timi ni Potukali kei Romelu Lukaku mai na timi ni Belgium. E rau katolu toka ko Denis Cheryshev mai na timi ni Rusia kei Diego Costa mai na timi ni Spain ka rau ya tolu na sikoa.

A mai vakadrukai Panama na timi ni Igiladi ena 6 kei 1, qaqa o Colombia vei Poladi ena 3 kei saiva ka rau tai o Japani kei Siniqali ena 2 kei 2.

More Stories