Liu mai na Muaira o Ratu Navula College

ESA na mai fainala taucoko tiko na timi ni Ratu Navula ka ni a qaqa taucoko na nona timi e na semi fainala ena macawa sa oti ena sotasota ni gonevuli mai na yasayasa vakara.

Ena sotasota ni Coke Zero Deans mai na yasayasa vakara ena yabaki 18 e a qaqa na timi ni Ratu Navula vei Natabua ena 16 kei 10. E nai karua ni semi fainala a qaqa na timi ni Outrigger Fiji Cuvu College ena nona sega ni yaco yani na timi ni Sigatoka Methodist College. E vakaraitaka o Meshar Ali na vunivola ni soqosoqo ni rakavi ni gonevuli mai na yasayasa vakara ni dua na qito kaukauwa era vakayacora na veitimi era vakaitavi ka solia na nona vakavinavinaka vei ira na timi era vakaitavi.

A solia talega na nona vakavinavinaka o Ali vei ira na timi era na fainala tiko ena macawa qo.

Ena yabaki 19 a qaqa na timi ni Ratu Navula vei Ra High ena 19 kei 17, ka druka na timi ni Outrigger Fiji Nasikawa Vision College vei Ba Provincial Freebird Institute ena 22 kei 38.

Ena yabaki 17, a qaqa o Ratu Navula vei Xavier College ena 14 kei 3, qaqa o Natabua High School vei Outrigger Fiji Sigatoka Methodist ena 5 kei saiva.

Ia a qaqa o Natabua High School vei Outrigger Fiji Cuvu College ena 20 kei 19 vei ira na yabaki 16, ka qaqa o Ratu Navula College vei Tavua College ena 29 kei saiva.

Vei ira na yabaki 15 a qaqa o Ratu Navula College vei Outrigger Fiji Sigatoka Methodist ena 34 kei saiva, qaqa o Natabua High School vei Outrigger Fiji Sigatoka Andhra College ena 36 kei 3.

Ia, e na fainala tiko ena U18 Ratu Navula kei Cuvu College, U19 Ratu Navula kei Ba Provincial, U17 Ratu Navula kei Natabua High, U16 Ratu Navula kei Natabua High, U15 Ratu Navula kei Natabua High.

More Stories