Lili na i vava nei Somoca

ESA na i otioti ni nona qito rakavi o Setefano Somoca na duru ni timi ni Nadroga kei na Ovisa ena sotasota ni Sukuna Bowl ena yabaki qo ni bera ni qai vakaliliga na nona i vava ni qito.

A vakadeitaka na tikina qo ko Somoca ni oti na nona a qaqa o Nadroga ena vula sa oti ena nona mai taqomaka rawa tale nai covi ni HFC Bank Farebrother.

Na dauqito yabaki 35 qo ea qito oti vakawalu ena timi ni Vodafone Flying Fijians kei na rua na qito ea vakaitavi kina ena sotasota ni 2011 Qito ni Vuravura ka vakayacori mai Niu Siladi.

E ratou taukena tiko e na gauna qo na i covi ni Sukuna Bowl na Ovisa ena nodratou a vakadruka na timi ni mataivalu ena 25 kei 17 ena yabaki sa oti.

Na sotasota ni Sukuna Bowl ena tekivutaki tiko ena 6 na kaloko ena i ka 24 ni siga ni vula mai qo ena ANZ Stadium e Suva.

Ena tavoci tiko na qito qo ena bareki ni mataivalu e delai Nabua ena Vukelulu.

Ia, na kena sotasota ena vakayacori tiko ena i ka 21 ni Noveba kina i ka 24 ni Noveba ka na vakayacori tiko ena sotasota qo na qito golf, veivacu, netball, Volleyball, kirikiti, soccer, rakavi kei na rakavi tinikatolu.

More Stories