Laveti cake tale na i vakarau ni tei dalo

ESA na veivuke tiko na Minisitiri ni Teitei kei ira na dauteitei ena kena vakatoroicaketaki na makete ni dalo e na noda vanua,.

E vakanamata tiko ko Pauliasi Tuilau na vakalesilesi mai na Minisitiri ni Teitei ena kena vakavinakataki cake na makete ni dalo, na kena teivaki mai vei ira na kena dau kei na vei kabani.

E tukuna o Tuilau ni dalo e dua vei ira nai voli esa na qarava ka vueta cake na kena vakatorocaketaki na Minisitiri ka dodonu me na vakaraitaki yani. E tomana o Tuilau ni dalo e dodonu me na vakamatatataki na kena vinakati vakalevu ka me tomani tikoga na kena volitaki mai vei ira na dau vakau dalo ki valagi ni sa i ira oqo na i nuinui ni kena laveti ki na dua na vakatagedegede ka sa gadrevi me na vakavinakataki.

Esa vakarautaki na bose kei ira na dauteitei, vakau dalo, ka me rawa ni rogoci na nodra gagadre kei na veika e sotavi tiko ka sa tiko vakarau na Minisitiri me na veivuke kina.

Eso na leqa e laurai na kena sega ni taladrodro vinaka tiko na vakau dalo ka rawa ni wali me na dua na porokaramu ni tei dalo vei ira na dautei dalo.

E kaya o Tuilau ni ratou sa cakacaka vata tiko kei na ?Secretariat of Pacific Community? ena kena vakarautaki na cavu ni dalo e na kena maketetaki, ena kena vakalailaitaki na lusi, ka levu sara tiko e na gauna qo.

E sa tuvatuva ka na Minisitiri ni teitei e na kena vakaoti na porokaramu ena veikavakailavo ni yabaki vou.

E dua vei ira na porokaramu qo me baleta na dalo, ka sa tiko na kena porokaramu ni vakatorocaketaki me na taurivaki e na yabaki vou.

Esa tiko talega na i kumukumu me ra na qaravi ira ka sikovi ira talega na dauteitei ka me ra vakasalataki.

E kuria o Tuilau ni gadreva me na vakaraitaka vei ira na dautei dalo me ra vakavinakataka na nodra tei dalo ka me dalo vinaka ka me rawa kina ni vakau tikoga kina ki valagi.

More Stories