Lailai na i vakadinadina: Pryde

Update: 10:41AM E DUA na vakacegu levu e tuburi iratou na lewe 6 na daunipolitiki ena siga Moniti ni oti na kena vakaraitaki mai vua na i liuliu ni veibeitaki ni matanitu o Christopher Pryde ni lailai nai vakadinadina e kunei me baleta na kisi eratou a beitaki kina na i lawalawa oqo.

Oya na vuna esa na sega ni tomana kina na kisi oqo na tabana ni veibeitaki.

Eratou a vesu na i lawalawa oqo ka ratou qai laki biu tu ena lokamu o Jone Dakuvula, Sitiveni Rabuka, Attar Singh, Mahendra Chaudhry, Parofesa Biman Prasad, Tupeni Baba ena nodratou sega ni vakamuria na lawa ni Public Oder Act kei na Crimes Decree.

Ena nona vakamacala tiko mai ena Nai Lalakai o Parofesa Biman e kaya ni sa dua na tukutuku vinaka vua kei iratou na nona vuvale.

� E sega ni ka rawarawa ka veivakamadualaki na nodratou mai vesuki keda tu vakaoya ena matadratou na noda lewe ni vale na ovisa.

�Oqo e caka tikoga me rawa ni vakamalumalumutaka na noda toso ena kena valataki na galala ni vakasavui tukutuku kei na bula galala vakademokarasi.

�Oqo e da sa na qaqarauni talega ena noda na gadreva yani ki na ovisa kei na matanitu me baleta e dua na bose kei na veitalanoa ena kena kerei taumada na i vola tara mai na tabana ni ovisa ena tikina oqo,� e kaya o Parofesa Biman.

E vakaraitaka talega na nona kauwai o Pryde ena nodratou ivukivuki ni veivesu na Tabacakacaka ni Ovisa, oya ena nodratou digitaki ira ga e lewe vica mai vei ira na lewe levu era gole yani ena veitalanoa ka biuta vata oqo o Dakuvula.

E kauwai talega ni qai oti sara e lima na siga, e sa qai caka na veivesu oqo mai vei iratou na ovisa.

Ia, eratou sa laki vakadikeva na kisi oqo na Tabana ni veibeitaki, e laurai ni takiveiyaga na ivakadinadina e biu yani me rawa ni qai dua na kisi me kacivi ena mataveilewai.

More Stories