Kuila vou: PM

SA kacivaka wavoki tiko na Paraiminisita ena noda vanua o Voreqe Bainimarama ni na vinakata me dua na noda kuila vou ka me rawa ni kauti keda ki na veigauna sa tu mai liu.

E na nona veisiko wavoki tiko e na noda vanua e na gauna oqo vakabibi e na mua ira ni noda vanua sa vakaraitaka tiko e na nona vosa nida sa vakatulewataka tiko oqo na veika eda na gadreva e na veigauna sa bera mai kei na mataqali tamata eda gadreva me da kilai kina.

Sa koya oqori au sa kerei kemuni tiko kina na lewei Viti mo ni veivuke mai e na kena vakarautaki e dua na noda kuila vou, e kaya.

Tomana ka kaya ni a sa veiqaravi oti e na noda kuila oqo ena i tavi vakamataivalu ka noda paraiminisita talega.

Ia, me vaka ni noda kuila oqo e kauti keda mai na veigauna sa oti, au na gadreva me dua na noda kuila me na kauti keda ki na veigauna sa tu mai liu.

Na kuila vou ka tiko kina na noda roka taleitaki na karakarawa- ka vakatakila na mataqali tamata vakacava o keda, kei na noda gadreva me vanua vakacava o Viti, kei na vanua eda na qai biuta vei ira na luveda.

Ia, e na vula ko Jiune ni yabaki sa oti, 2015, a sa vakaraitaka tale kina o Bainimarama ni sega ni dua vei iratou na 23 na kuila ka sa digitaki oqori e donu vakavinaka.

Sa kacivaka tale o koya ni sa vakarautkai e dua na i vakarau ni veiqaravi ka savasava me na digitak kina e dua na kuila vou.

E na sogo tiko na veisisivi e na i ka 29 ni Feperueri.

Na kuila vou oqo e na tukuni keda ki vuravura ni vakarautaki o Viti me dua na vanua vou, au liuliu e na pasifika, e dua na vanuae vakacagau tiko kina na veivakatorocaketaki, e kuria.

Ia, e na kena mai tomani na bose e na palimedi enanoa e a taroga kina ko Mosese Bulitavu mai na i To ni Veisaqa vua na paraiminisita ka Muinisita ni Veika Vakaitaukei kei na Cakacaka ni Suka me vakamacalataka swe cavana vuna e gadreva kina na matanitu me veisautaka na kuila ka rawa vakacava vei ira na lewenivanua mera rawa-ka e na ruku ni ukila vou oqo.

More Stories