Ko na marautaka na Beko vei Prouds

Eda sa yacova mai oqo e dua na gauna ena loma ni yabaki ka ra dau gadreva kina na dauvolivoli mera sa vakaisosomitaka na iyaya makawa vakalivaliva ena nodra dui lomanivale.

Na vakavinavinaka levu vei Prouds, sa itukutuku vinaka vei kemuni na dauvolivoli o ni vakasaqara tiko beka na i yaya vakalivaliva era rogo ka kilai ka inaki ni nodra buli me ra vakabula ilavo, vakarawarawataka noda qaravi itavi, ka rabai levu sara na veika e vakarautaka meda digitaka na lewei  vViti ena gauna ni marau qo.

E yaca rogo levu sara na Beko ena noda vuravura ka rabailevu sara na kena veiqaravi vei keda na dauvolivoli meda digitaka ka ni rawarawa na kena maroroi ena noda loma ni veivale.

E kila deivaki na brand oqo na Beko na gagadre e tu vei keda na dauvolivoli vakauasivi ena gauna osooso eda bula donuya. Ratou sa vakarautaka tu na veiyaya vakalivaliva kecega ena kena veimataqali ka totolo na kena veiqaravi, me ceguva na osooso ni bula eda dui donuya, ka rawa ni solia vei keda e levu na gauna meda vakayagataka ena veika yaga tale eso.

?E bini tu vei keitou na iyaya vakalivaliva ni gauna saraga oqo ka lako vata kei na kena veiqaravi vovou ni brand na Beko o gadreva me baleta nomu lomanivale,? a tomana o Ranjeeta  Bali.

?Na veika e vakarautaka o Beko e ganiti kemuni vinaka na lewenivanua o ni toso vata tiko na gauna ka o ni gadreva na iyaya ni gauna qo.

?E buli na veiyaya vakalivaliva qo me vakarawarawataka na bula, e totolo, sega ni veivakawalei – O na vakabula ilavo, me vaka ni vakarautaka tu o Beko na iyaya e veiganiti kei na toso ni gauna.

?Na veika kece oqo e salavata kei na ivakatawa ni taga, ka rawa ni da kaya ni sa i digidigi dina ga ni gauna qo kei na noda veimataka.

?Na iyaya vakalivaliva na Beko e buli me kakua ni ceburaka na livaliva  ka rawa ni o vakabulailavo kina, vakauasivi na kena maroroi na veika.

?Na brand qo na Beko sa yacova tu na ikarua ni tutu ni veikabani lelevu ni yaya vakalivaliva ena vanua vaka Iurope. E tubu cake sara tiko vakatotolo na kena veiqaravi ena makete vaka Iurope ena loma ni lima veitaravi na yabaki.

?Na itukutuku matanidavui, oya ni iyaya vakalivaliva na Beko e voli tiko ena veiyarua na sekodi ena dua ga na yasa i vuravura ka vakaraitaka na nodra lomadei na lewenivanua salavata nodra nuitaka na kena veiqaravi, sega walega e Viti, sa teteva e rauta ni 100 na veimatanitu ena noda vuravura,? e kaya o Bali.

E vakaraitaka o Bali ni brand ni yaya qo na Beko a dau volitaki tu ga e Prouds Suva Central vaka kina e Nadi. Ia, sa rawa me na kunei talega e na Prouds Sigatoka, Lautoka kei Nakasi.

?Ena neitou Tabana e Lautoka, keitou sa dolava saraga e dua na kena sitoa ka volitaki kina vakatabakidua na brand qo na Beko ka keitou lomadei ni veika era volitaki kina sai koya na veika o ni gadreva tu na dauvolivoli.

E daumaka duadua na Beko

Tu vata kei na kedra dui rairai, veiqaravi vakalivaliva, e buli saraga na Beko me veiraurau kei na nomu gagadre. Na gagadre ni dui lomamuni e vukei keitou me keitou sotava na nomuni gagadre.

Maroroi ni veika Bula

E cakacaka tiko vakaukauwa na Beko me vakalailaitaka na kena vakacacani na veika bula. Era ?recycle? kece na neitou ivoli.

Mona ni livaliva vou

Keitou dau rogoci kemuni me vukea na neitou vakavotukanataka na nomuni qaravi. Sa levu sara na vakadidike vovou keitou vakayacora tiko ena kena buli eso tale na iyaya vovou ka veiganiti kei na ivakatawa ni taga. Na veika keitou bulia, era buli saraga me tagava nomuni gagadre.

Kilai tani

?Keitou na iTokani vinaka vakacakacaka ena veisiga?. Sa kena ibalebale ni keitou kila deivaki na nomuni gagadre ni bula ni veisiga ka solia na kena iwali vinaka duadua, me vukea na itavi ni veisiga

Beko kei na Qito

Ni sa brand naba dua tu mada e Iurope kece salavata kei na nona tokona na timi qaqa na FC Barcelona, e dua na timi era vakamuria voleka edua na iwase levu ni dau sara qito ena noda vuravura.

More Stories