Kauwai na Lotu Wesele

Update: 12:02PM E sa kauwai na i talatala ni lotu ena nodra sa vakawelei vakalevu na noda i tabagone ena talevoni veikauyaki kei na vakau i tukutuku esa tu oqo ena noda vanua.

Kaya na Qase Levu o Talatala Epineri Vakadewavosa ni sa veitalanoataki na leqa ni ka oqo ena nodra bose vata siga tolu na i Talatala Qase ena tekivu ni vula oqo ena valenilotu na Centenary.

Kaya o Vakadewavosa ni ka bibi mera sa yadrava tiko na nodra i tovo na gone na i tubutubu.

�Esa luluqa na nodra i tovo na gone ka ra sa vakawelei vakalevu ena mona livaliva kei na veika e kauta mai.

�Ka dodonu me sa vakabibitaki tale na gauna vata ni veitalanoa na vuvale, mera dabe vata vakalevu ka veitalanoa na vuvale.

�Esa laurai ni sa lailai tiko na nodra gauna vata na i tubutubu kei ira na gone,� e kaya o Vakadewavosa.

Tukuna o Vakadewavosa ni levu sara na bolebole me vaka na nodra vakalolomataki na yalewa kei ira na gone.

E kuria ni kauwai na lotu ena kisi ni nodra vakalolomataki na gone kei na yalewa, kei na kisi ni kucu esa rogoci tiko ena tabana ni tukutuku ena gauna oqo.

More Stories