Kaukauwa na i boi e tauni

NA gauna e lutu sobu kina na wai ni waluvu mai na tauni ko Ba e na macawa sa oti, sa dua sara ga na ka na i boi kaukau ni soso kei na i sulu ka vakakina na kakana e na loma ni tauni mai Ba.

E vakadeitaka mai ki na Na i Lalakai o Varaame Nasara e dua na turaga ni Yasawa ka vakaitikotiko mai Varoko e Ba ni ra sa sega sara ga ni rawata na iboi ni soso e na gauna e sa siro kina na wai.

Tomana na turaga yabaki 51 oqo ni o ira kece na gole ki tauni, era sa vakayawaka tikoga mai na i boi ka rawa ni veitauvi kina na mate e na kaukauwa ni kena i boi, kei na soso e sega ni caka rawa.

Qo e vaka ga e da gole tiko e na dua na veitiri, ena soso eda sotava ka vakakina na i boi ga e kuvuraka mai e vaka sara ga na i boi ni benubenu mai Naboro.

So mada ga na qase e rawa sara ga ni ra rebo kevaka e ra na tiko vakadede tale e kea, kaya o Nasara.

Kuria ni tukuna e dua na turaga ni Ba ka ratou tiko veivolekati ni waluvu ka kauta mai na tau ni uca e na macawa sa oti, e se qai matai ni waluvu levu duadua, ka vakacaca sara ga vakaca er a sotava mai Ba.

E kaya na turaga oya ni lailai tale na vakacaca e vakayacora o Winston, baleta ni taubi ni uca e vakavuna na nodra kumukumuni mai na wai lalai mai delana, ra qai ciciva sobu mai na uciwai levu ko Ba.

E kaya ko Nasara ni na taura toka e dua na gauna me ra na qai guilecava na vakacaca levu e yacovi ira e na macawa sa oti.

More Stories