Kasere o Vatuvula kei Vatusolo

SA MAI yala toka na noda i talanoa ni sisi ni qele e na delana ko Vatuvula kei Vatusolo e na gauna era sa rogoca kina na tara tiko na vale nei nodra i Vakatawa e dua na kacabote e na sigalevu tutu ni Tusiti e na yabaki 1982.

Na gauna keimami sa rogoca kina na kacabote, keimami vakawelewele voli ga baleta ni sa matau e daligai keimami, na rogoca na kacabote ni dainamati e na gauna e sagai kina me vakatautauvatataki na delana veivatu, me tara kina na koronivuli, ka sa tiko kina na otela e na siga nikua.

?Toso tikoga na neimami tara vale ni Vakatawa ka sega sara ni galele na yaloi keimami e na rorogo ni kacabote mai delana,? kaya o Rawaqa.

Ni oti ga na neimami tara vale keimami sa mai gunu yaqona sara tiko e na neitou vale, ka veitalanoataki tiko kina na i tuvatuva e na siga ka tarava.

Na gauna e sa oti kina na gunu yaqona, e sa mai vakadodo sara toka yani o Qasenivuli Vakacegu e na nodratou i dabedabe balavu e loma ni vale.

Ni tei wiliwili sara yani:

E kaya na turaga yabaki 67 oqo, ni gauna era sa tu kece kina ki tautuba e na bogi ni Tusiti, era sa qai rogoca na rorogo ni vatu ni ra sa veidrigidrigi sobu mai delana, ka tautauvata ni ra dau veisugusugu na bulumakau me ra ciciva na matamata e na dua na bai ni bulumakau, e na nodra sa veitautaka na co drokadroka ena taudaku ni bai.

?Ia, na ka ga e vakadomobula kina na sisi oqo, ni yaco tiko vakabogi ka keimami sega ni raica na vanua era toso tiko kina na vatu, e na butobuto ni bogi, ka sa vakarerevaki dina sara na kena rorogo.

?Na gauna e sa kida mai kina na rarama, keimami satucake kece tu e loma ni rara na lewe ni koro, ka keimami sa qai vakadagava cake tu na delana e na nodra sa veisugusugu sobu tiko mai na veikau lelevu kei na vatu lelevu, ka vaka ga e kui tiko mai na uciwai ni Wainimala e na gauna ni waluvu.

?Na sisi e lako tu qo e la?ki yacova tale na sigalevu ni siga Vukelulu, ka keimami drukataka ga ni sega sara ga ni bau dua na vale e na neimami koro e vakacacani kina,? kaya o Rawaqa.

Tomana ni se yaco tikoga na sisi o ya, era sa lako kece na turaga, ka ra la?ki bose e na nodratou vale.

Ena qai kuri tale yani

More Stories