Kasere o Vatuvula kei Vatusolo

SA MAI yala toka na noda i talanoa e na gauna sa tukuna kina vei Qasenivuli Vakacegu Epeli Rawaqa, na Turaga na Tui Vuda ko Ratu Josaia Tavaiqia, me ra vagalalataka na koro ko Namara na lewe ni koro e na siga tikoga o ya.

Tamata kei na manumanu, ka me kakua tale ni dua e tiko e na koro oqo, e na vuku ni sisi ni qele mai Vatuvula kei Vatusolo.

Ni tei wiliwili sara yani:

E kaya o Rawaqa ni gauna sa vosa oti kina vei koya na Turaga na Tui Vuda, ratou sa veikau sara yani ki nona vale, ka ni ra sa wawa koto mai kina na turaga ni vanua.

Tomana ni nodra se qai butuka ga yani na Turaga na Tui Vuda na matarukuruku ni vale, sa kaya sara yani vei ira na turaga ka vaka,? Kua ni lia na veiquaravi e tara, na kea sa sisi koto na qele, medu sa vadania leqwa lia na koro vou?.

E dua na vakanomodi levu e yaco e na vica na sekodi ni vosa oti na Turaga na Tui Vuda, e na nodra sa vakasamataka na lewe ni koro, ni ra sa na lako, ka sa biu tu mai na vale, kei na i yaya kece e tu e loma.

Kuria o Qasenivuli Vakacegu ni gauna talega o ya e rau soko cake tiko kina ki na Yatu Yasawa e rua na waqa ni matanitu e na nodrau kauta tiko na i yaya ni vakacaca ni cagilaba.

?Na waqa e rua oqo e kauta tiko na i yaya ni vale, na kakana, ka rau sa voleka sara ni sivita na yanuyanu o Vatu me rau sa cawadru cake, sa qai qiri ki na tabana ni Marine mai Lautoka o Bune, me ratou vakaroti rau na kavetani ni waqa, me rau sauvuki mai ka gole ruarua ki na yanuyanu ko Wayasewa, e na koro ko Namara, ? kaya o Rawaqa.

Tomana ni sega ni dua na auwa rau sa kele ruarua yani e na nodratou matasawa na waqa ni matanitu na Golea kei na Dausoko, ka sa tukuna sara mai o rau na kavetani ni waqa me ra vakasobura kece na lewe ni koro na i usana ni waqa.

E kaya o Rawaqa ni o ira madaga na turaga se ra vakananuma tiko se vanua cava tale me ra toki kina, ka ni se veikau wavoki sara tu ga na yasa ni yanuyanu era na vaqara yani.

?Veitalia mada qori, ni vakasobura rawa mada mai na i yaya ni vale kei na kakana mai na waqa e rau sa kele tu oqori, me toka rawa ena vanua mamaca, ni qai vaqara yani vakamalua na vanua mo ni toki kina,? sa vakarota yani o Tui Vuda.

Ena qai kuri tale yani

More Stories