Kamica na ika ni Tailevu ni siga

Update: 8:39AM E VAKAVINAVINAKA vua na Kalou na Tamada ni vakabalavutaka tiko mai na nona bula me yacova mai na siga nikua. Na i vakamacala oqori e cauraka mai o Makelesi Ralagi yabaki 91 ka vakaitikotiko mai na koro o Burerua ena Tikina o Sawakasa mai na yasana o Tailevu.

Kaya na marama ka 9 na luvena, 18 na makubuna, 19 na makubuna vakarua, ka se qai 1 ga na makubuna vakatolu, ni vuni nona bula balavu tiko mai me yacova na siga e daidai, sai koya na nona yalovinaka ka mamarau, kei na vakararavi vua na Kalou sa tabogo.

Tomana ni veisiga kece e dau yadra mai e na sega vakadua ni cala na nona dau masulaka na nona bula me karoni e na siga oya, ka vakakina ni dau vakarau moce ena bogi, e na dau tataunaka vua na Turaga me vakayadrati koya tale vaka mataka lailai.

Ni da raici Ralagi vata kei na luvena qase duadua, o na rawa ni kilalecavi rau tale me qase tiko na luvena ulumatua vei koya, baleta ni o Ralagi e marama ladiladika no ga ka qai mai sui dua yani vaka na sui ni rewai.

Kuria ni ratou qai dau tukuna ga vua na luvena me kakua ni tali ibe.

More Stories