Kacivi na yacadra na lewe ni timi ni Viti

Update: 11:02AM ESA mai vakaraitaka na valenivolavola ni rakavi unioni ni noda vanua (Fiji Rugby Union) na yacadra na cauravou lewe ni timi ni Vodafone Flying Fijians ena i lakolao vakaqito ki Iurope ena Noveba mai qo.

Na timi vakarautaki qo e ra veicurumaki tiko kina na cauravou era qito tiko e na noda vanua kei ira na qito tiko mai valagi ka wili tale tikoga kina e vica na noda cauravou ka ratou qaqa mai Rio ena sotasota ni Olympics me vakataki Josua Tuisova, Leone Nakarawa kei Vatemo Ravouvou.

Era oka tale tikoga e na timi qo e vica na dauqito ka ra sega ni qito rawa ena sotasota ni 2016 Pacific Nations Cup ena vuku ni osooso ia era sa galala ena qito qo e na vula o Noveba.

E tukuna o John McKee na dauniveivakatavulici ni timi ni Flying Fijians ni dua na bolebole levu na qito qo e na Noveba ka na vukea cake na nodratou vakavakarau ki na qito ni vuravura ka ni na sota tiko kei na timi naba rua ni vuravura oya na timi ni Igiladi kei Javani ni a qito vinaka ena qito ni vuravura sa oti.

Na timi ni Vodafone Flying Fijians ena sota tiko kei na timi ni Barbarians ena i ka 12 ni Noveba, ena sota tiko kei Igiladi ena i ka 19 ni Noveba kei Javani e na i ka 26 ni siga.

Esa koto oqo e ra na yacadra na cauravou lewe ni timi ni Vodafone Flying Fijians.

Vodafone Flying Fijians:

Campese Ma´┐Żafu, Peni Ravai, Joeli Veitayaki, Tuapati Talemaitoga, Jale Sassen, Sunia Koto, Manasa Saulo, Leeroy Atalifo, Mesake Doge, Leone Nakarawa, Api Ratuniyarawa, Nemia Soqeta, Dominiko Waqaniburotu, Naulia Dawai, Mosese Voka, Akapusi Qera, Eremasi Radrodro, Nikola Matawalu, Serupepeli Vularika, Nemia Kenatale, Ben Volavola, Vatemo Ravouvou, Albert Vulivuli, Waisea Nayacalevu, Vereniki Goneva, Asaeli Tikoirotuma, Nemani Nadolo, Josua Tuisova kei Kini Murimurivalu.

Yaca ni dauqito tu vakawawa: Savenaca Tabakanalagi, Malakai Ravulo, Henry Seniloli, Seremaia Burotu, Benito Masilevu, Metuisela Talebula kei Peceli Yato.

More Stories