Jisu kei na lewe tolu va-Kalou

OQO na nona cau kei na nona rai o Nai Talatala Pauliasi Vatanitawake, na turaga i Talatala Qase vakacegu ni Lotu Wesele e Viti kei Rotuma.

Ni wilika sara yani na nona i vakamacala me baleta na papitaiso.

Ko Jisu e sega mada ni via papitaisotaki ira era sa tekivu me ra vakabauti koya, ka muri Koya. Esa vinakata ga me sa vakavulici ira mada ena i vakavuvuli ni matanitu vakalomalagi o koya sa lako mai kina ko koya me vunautaka.

E rau sa duavata kei Koni ena nodrau vosa ni vunau e kaya, ? Dou veivutunu sa voleka na matanitu vakalomalagi: Ko Jisu e sa duavata talega kei Paula ena nona kaya vei ira mai Koronica. Ni sa sega ni talai mai me?u mai veipapitaisotaki, ia meu mai vunautaka ga na i tukutuku vinaka.

Ena IKoronica 1: 17

?Ia ko Jisu sa bibi vua mera sa vakavulici taumada na lewe vuqa ena kalougata ena solia mai na Kalou, mera yaco me ra lewe ni matanitu vakalomalagi.

E tolu sara ga na wase mai na Maciu , e volai kina me vaka na Maciu Wase 5, 6 kei na 7 ka vakatokai na vunau mai na ulunivanua.

Ia ni sa mate ko Jisu. Ka tucake tale, sa qai tekivu vei ira na tisaipeli. Dou lako yani, ka vakalotutaki ira na tamata kecega ka papitaisotaki ira ena yaca ni Kalou, na Luvena kei na Yalo Tabu.

Ia, ena siga ni Penitiko, era sa vakasinaiti ena Yalo Tabu, ka ra sa veivutuni ena i Vunau nei Pita.

Ka kaya, Dou veivutuni ka papitaisotaki ka mo dou rawata talega na i solisoli ni Yalo Tabu.

Ia na duidui e koto, ko ira oqo sa vakaroti mera papitaisotaki ni ra a se lotu tu ena veikalou tani, eso era Jiu, ka so tale na kai matanitu tani, era sebera ni kilai Jisu. Ia sai tavi nei Pita me vakamacalataki Jisu ki vei ira ni a vakamatei ka rube ena kauveilatai.

Ena Cakacaka 2: 38-39 Ia sa tucake tale mai na mate. Marika 16: 16 Oqo talega ko ira era sa qai kilai Jisu ka vakabauti koya ka papitaiso ena yacai Jisu. Sa na yaco vei ira na bula.

Ia ko Jisu e a kaya vei ira na tisaipeli me ra veipapitaisotaki ena yaca ni Kalou na Tamana, Luvena kei na Yalo Tabu.

( Macawa mai oqo, na papitaiso ena nona i tutu vaka- Mesaia).

More Stories