Isireli: Me dei na nomu vakabauta

Update: 10:48AM AISEA: 2:3 NI na lako yani mai Saioni na i vunau kei na vosa i Jiova mai Jeruisalemi.
�For out of Zion shall go forth the Law and the word of the Lord from Jeruishalem.

�Ki-Mitizion-tetzei tora Udivar-adonai-mirushalayim.�

Ni sa bula vinaka tale mai na wekaqu lomani e na noda vanua vinaka oqo ko Viti.

Au sa kidavaki kemuni tiko yani oqo e na yaca talei ni Gone Turaga ko Jisu Karisito, ni sa bula vinaka tale mai, sa tara na yadra.

Na i karua ni Timoci II Timoci 1:1-7 E vola na i vola oqo o Paula e na nona valu tu mai Roma, ka sa voleka sara na nona vakamatei!

Ia, e vakayaloqaqataki Timoci; �Ni sa sega ni solia vei keda na Kalou na yalo ni rere; a yalo ni kaukauwa ga, kei na yalololoma, kei na yalomatua.��

Oqo, e sa i volavola nei Paula me tukuna ka vakadeitaka na nona i tutu vaka i apositolo, ko ya ni sa rawa e na kaukauwa ga ni Kalou, e na kaukauwa oqo sa vakavuna se vakauqeti koya me vakayacora tiko kina na i lesilesi, se dau veiqaravi vaka i Talatala, e dau tusanaka vakadodonu ka sega sara ni maduataka me tukuna na veivakabulai nei Jisu Karisito e na nona bula.

E na veiqaravi ni kena vunautaki ka vakatavulici na i tukutuku vinaka, sa mai vesu tiko kina.

Sa vakadeitaka na veitalai sa vakayacori vei Timoci e na i lesilesi ki Efeso.

E marautaka tiko o Paula na vakabauta e tu vua na tinai Unaisi o Lei (Loisa), na vakabauta oya sa kunei talega vei Unaisi na tinana, ka sa qai uasivi sara ni sa tu talega vei Timoci me gumatua sara na vunautaki Jisu ka ni o koya talega sa vakabauta, ka vakararawataki e na vuku i Jisu.

Isireli: Mo vakadeitaka na nomu vakabauta! Kemuni na wekaqu mai na veiyasai Viti oqo talega na i tukutuku, au sa dau veivakataudeitaki tiko kina vei keda e na veigauna kecega.

Ko Paula talega e sa dau ia tikoga na nona dau vakadeitaki Timoci, me kakua sara ni dau maduataka na tikuni Karisito. Sere levu (82) Sa sega ga niu madua niu tusanaka tu, se valataka voli ga na yaca i Jisu, Jisu ga ! Au kalougata mai. E vukumuni na Karisito, Niu sa raica tu e na Kauveilatai, Na nona loloma na Kalou.

Sa vakasalataki Timoci tiko ko Paula me dei na nona tukuni Jisu tiko ka me kakua sara ni maduataka, me vakabauta na veivakaukauwataki ni Yalo Tabu e na nona cakacaka.

Na i vakasala oqo nei Paula vei Timoci, sa i vakasala talega vei keda kece e na noda i lakolako vakayalo.

Me da tudei e na vakabauta, kua ni yalo lailai, vosota na ka rarawa, ka ni sa sala ga ka sa muria oti ko Jisu, a muria o Paula, sa muria o Timoci, era sa muria na vakabauta sa liu vei keda, ka me da muria talega.

Sa dodonu me da vakadeitaka na noda vakabauta vakavuvale, ko bumu, tukamu, tinamu, na nodratou vakabauta na vuvale, sa sala talega ni kena vakadewataki na vakabauta kei na kena tukuni tiko na i tukutuku vinaka ni veivakabulai i Jisu Karisito.

Isireli: Mo vakadeitaka na nomu vakabauta, (ulutaga tiko ni vei macawa).

E na i ka vitu ni siga (Vakaraubuka) e na vula ga oqo, e ratou a lako mai kina ki vale e dua na matavuvale mai na vanua ko Vuniyaumunu e na koro ko Tokaimalo, Ra.

O iratou na matavuvale oqo e ratou sa cakacakataka sara ga na nodratou vakabauta, e na nodratou kila ni ratou na yaco ga mai vale, ratou sa masulaki oti ga, ratou na bula mai na tauvimate duidui ka tu e na nodratou bula.

Na i liuliu ni matavuvale e sa yabaki 81, ka yacana ko Sakiusa Bete, e sega ni rogo ruarua tiko na daligana (didivara), ka tauvi milamila tiko na yagona taucoko.

Marama watina e yacana ko Lena Lautabui, 78 e momosi tiko na dibina, ka kauta sobu ki ra, vesuki tale tu ga na nona bula.

Na vugodrau ka sa bukete vula lima tiko, e sega ni yavala tiko na gone e na loma ni ketena, ko Veniana Galu, ka sa yabaki 29. E dua tale na vugodrau na qase oqo, ka marama ni Tavua ka yacana o Renupani Adi, e gadreva me mai masulaki talega me rawa ni vakaluveni.

E ratou a moce talega i vale, ka ratou qai lesu tale e na mataka ni vakarauwai na i ka walu ni siga ni vula tikoga oqo.

E na siga Vakaraubuka vata tikoga ko ya (07/10/16) e a la�ki ilovi (scan) kina ki na valenibula e Penang ko Veniana Galu, ka sa vakadeitaka vua o Vuniwai ni sa tiko na gone.

Kemuni na wekaqu mai na veiyasai Viti, au doudou me�u tukuniyalotaka na ka levu, e sa tekivu yavavala sara ga na gone e na loma ni ketena.

E sa tekivu sara ga me sa kaila ka mamarau na tinani gone oqo, e na gauna vata talega oya au sa lagata yani kina na i ka 82 ni sere Sa sega ga ni�u madua, niu tusanaka tu.

Era kidacala na lewe ni noqu koro ko Narewa ni sa cabolo na laga sere e na bogi oya, io, sa lagalaga sere ni mamarau ni sa sotavi na gagadre, baleta na Kalou e da qarava tiko oqo, o koya e Kalou ni veisotavi.

Ni lagati oti ga na sere au sa tukuna sara ga vei iratou na matavuvale koya ni sa na sotavi kece na nodratou dui gagadre, baleta ni sa yavavala na gone e na ketei tinana, e vakaraitaka tiko na gone ni sa marautaka tiko ni ratou sa na vakabulai kece mai na leqa duidui e dui tara tu na nodratou dui bula.

Instant healing e yacovi rau na veivugoni yalewa, Lautabui (78), ni oti ga na masu e sa sereki na nona bula mai na i vesu e a vesuki tiko mai kina o Galu, ka yavavala sara tikoga na gone e ketena, e na bogi oya, ni a sega ni bau yavala tiko mai e na loma ni lima na vula.

O Sakiusa Bete na i liuliu ni matavuvale, ni qai yadra mai na moce e na mataka ni siga kadua, e sa mate kece sara ga na milamila levu e ologa kece tiko na yagona

Na daligana talega e sa vakila tiko vakalailai ni vaka me sa rogoca tiko na neitou veitalanoa e na mataka ni siga ko ya.

E dua na vosa ni veivakayaloqaqataki au qai tukuna vua, ka vaka koto oqo, �Na qase na daligamu ruarua o koya ka sega ni rogo tiko oqori, e na qai la�ki tadola vakadua ki Tokaimalo.

Na gauna dou sa na yaco yani kina, e na kaukauwa ni yacai Jisu, kemuni na wekaqu mai na veiyasai Viti, au via vakadeitaka tikoga vei keda na noda Kalou vinaka oqo ko Jiova, o koya e sega ni bau druka vakadua e na dua na gauna.

E qai qiritaka tale mai vei au ko Veniana Galu, ni gauna sara ga e ratou sa sobu kina e na basi, e dua na ka veivakurabuitaki e a qai yaco, ni a kacabote mai e na daligai na qase na wai, ni oti ga oya e sa mai rogo ruarua sara tikoga yani na daligana me yacova mai na gauna oqo.

E sa kaya tikoga o Sakiusa Bete e na nodratou se tiko mai Tokaimalo, ni bula ga e tiko e Narewa, ka me ratou sa cakacakataka sara ga e keya na nodratou vakabauta.

Oqo talega na mataqali vakabauta, au a tukuna tiko e na Na i Lalakai e na i ka 12/10/16 ni macawa sa oti ga oqo, ni levu era lako i sisili i Natadradave e ra lako galala sara tu ga.

E sega ni dua na ka me vesuki ira tiko, ni ra sili ga vakaoqo, e ra sa bula sara ga, e sega ni dua na ka me vesuki ira tiko ko ya, e ra vesuki sara tikoga mai na nodra matavuvale, mai na loma ni nodra mataqali, mai na loma ni nodra Yavusa, ka vakakina mai na lotu talega.

O ira oqo e dredre me ra vakabulai baleta ni se bera ni ra vagalalataki ira rawa mai.

Maciu 18:18 Au sa kaya vakaidina vei kemudou, a ka kecega dou vauca e vuravura, e na vauci mai Lomalagi; Ia, na ka kecega dou na sereka e vuravura, e na sereki mai Lomalagi.

Ena qai kuri tale yani

More Stories