Ilavo ni lotu

Update: 11:52AM ERATOU sa tekivu musumusuki oqo na valenivolavola ni Lotu Wesele na kena vakayagataki na i lavo ni lotu ka me na veidonui kei na veika e sa raica na daunifika me vakavinakataki.

Vakadeitaka mai na Qase Levu ni lotu o Talatala Epineri Vakadewavosa ni rauta ni $3 na milioni na levu ni lavo e dau vakayagataka na valenivolavola ena loma ni dua na yabaki vakailavo oya mai na 30 ni Jiune ena yabaki oqo me yacova na Jiulai ni yabaki ka tu mai.

�Keitou sa tuvatuva ka tale tiko na komiti ni leqa ena kena vaqaqacotaki na porokaramu e dau qarava na lotu, ka me bibi duadua ga na nodra qaravi vinaka na lewenilotu,� e kaya o Talatala Vakadewavosa.

Tukuna ni levu sara tu na bolebole era sotava vata na i Talatala Qase ni veiwasewase ena loma ni Lotu Wesele ka dua na ka era sa na vakabibitaka oya na nodra qaravi vinaka na mataveitokani kei ira na lewe ni wilivola ni Siga Tabu.

Vakadeitaka o Talatala Vakadewavosa ni tiko talega na I tuvatuva ena kena vakavinakataki na veikoronivuli ni lotu e na loma ni lotu, oya na paraimiri, na sekeniri kei na koronivuli ni vuli lotu.

Vakadeitaka ni tiko na veiqaravi ni lotu me vaka na Dilkusha Home, na Vuli Talatala ka dau tiko na nodra i lakolako ena veiyabaki me dau cicivaki kina na veiqaravi bibi oqo.

E kaya o Talatala Vakadewavosa ni Cakacaka Levu, oya na $15 dua na lewenilotu e dau cicivaki kina na veiqaravi kei na veitabana ni lotu ena loma ni valenivolavola liu ena Epworth House e Suva.

�Esa gadrevi me keimami sa cakacaka veivolekati na i Talatala Qase kei na veitabana ni lotu ena kena vaqaqacotaki na veiqaravi.

� Ia na usutu duadua ga ni neimami i tavi na i Talatala oya mera na tuberi na lewenilotu ena nodra rawata na bula yalataka tu na Kalou ni cava na bula eke.

�Oya e naba dua ena neimami i tavi, dina madaga ni tu tale tu eso na i tuvatuva e sa kacivi kina na neimami bula ena vuku ni veiqaravi ni soqosoqo Lotu Wesele e Viti.

�E dua talega na ka au dau vakabibitaka oya na nodra veiwekani vinaka kei na vanua era veiqaravi kina na i Talatala era lesi yani me ra veiqaravi ena tabacakacaka se valenilotu era lesi kina.

�E dua talega na ka esa vakabibitaki oya na kaulotu ka na qai kacivaki malua yani na i Talatala ena kaulotu ena dua na gauna lekaleka mai oqo,� e kuria o Vakadewavosa.

Namaka ena Nai Lalakai ni macawa mai oqo na nona veisiko ena veiwasewase o Qase Levu.

More Stories