Ikolo ni siga na bu kamica

KEVAKA ko gade sobu ena nomu vakau tolili sobu ki na muaira ni noda vanua ka yacovi iko e dua na karamaca vakaitamera, ena daumaka mo na la?ki cegu sara ena tolo ni gaunisala volekati Namaka mai Nadi.

Na tolo ni sala qo e volitaki bu gunu kamica tiko kina ko Mohammed Farbeem ka cavutu mai Saunaka na cauravou musolomani qo.

E tukuna na cauravou yabaki 39 qo ni sega vakadua ni qai lomalomaruataka na nona mai volitaki bu qo ka ni lewe levu era sa tovolea oti na kamica ni gunugunu ni bu e volitaka tiko ka ganita vinaka na draki ni yasayasa vakara.

E tomana o Farbeem ni veisiga e dau tucake toka ena yasa ni gaunisala levu mai Nadi ko Lautoka volekati Namaka me dau volitaka toka na nona bu.

Na cauravou qo ko Farbeem e kaya ni levu talega na gauna e sotava na veisisivi ena volitaki bu ka ni eso talega na cauravou era dau mai volitaki bu ena vanua e dau volivolitaki tiko kina. Ia, e kaya ni kalougata o koya ni levu vei ira na dau mai volivoli vei koya era sa kilai koya tiko ka ra dau vakadodonu saraga mai vua ena teveli ni nona bu.

E tukuna o Farbeem ni sega walega ni ko ira na lewenivanua e Nadi era dau taleitaka na mai volia na bu e volitaka tiko, ena dua na siga ea bau tavali tale tu ga yani na turaga vunilawa ni noda matanitu, ko Aiyaz Sayed Khaiyum ka mani la?ki tovolea tale tu ga na kamikamica ni bu e volitaka tiko.

A dau lomaleqataka tiko o Farbeem ena gauna e dau tau kina na uca ka dau vakadredretaka vakalevu na nona dauvolitaki bu, ia e tomana o koya ni dua na kalougata levu esa mai donuya ni ratou sa sikovi koya yani na vakalesilesi ni matanitu ka ratou sa la?ki yalataka vua ni na la?ki tara e kea e dua na nona makete lailai me rawa ni taucoko vinaka kina ka me vakarurugi kina na nona i voli bu ena todra ni siga kei na uca.

E tukuna o Farbeem ni levu na gauna e sotava sara na kalougata mai vei ira na saravanua kei ira na dau taba yaloyalo yavala ka rawa ni tiko sara e macawa nai sau ni bu e rawata ena dua na siga.

E vakasala tikoga o Farbeem vei ira na tabagone nikua ka ra vaqara cakacaka tiko ni sega ni dua na ka e dredre ka ni tikoga ena noda qele ka i vurevure levu ni lavo eda rawa ni bula kina.

More Stories