E maroroi vinaka tu: Kuruvakadua

E se maroroi vinaka tu na i tukutuku kece me baleta na qele ni taukei, vakadeitaka na Manidia Liu o Tevita Kuruvakadua.

E kaya ni sa levu talega na i tukutuku e veitalanoataki tiko me baleta na kena mai kama ena macawa rua sa oti na Iimatai ni tabavale ni valenivolavola liu ni Matabose ni Qele Maroroi.

Kaya ni sa tomana tiko o iratou na ovisa kei ira na kena dau na kena laurai se vu mada vakacava na kama oqo ena bogi ni Siga Tabu ni macawa rua sa oti. Kaya ni tukutuku kece e maroroi ena komupiuta kei na kena e tu vakaivola e sega ni vakacacani se vakamai. Vakadeitaka talega o Kuruvakadua ni sa tokitaki mai na tabana e dau rejisitataki ira na i taukei ni qele kei na tabana eratou dau ciqoma na sasaumi ( cashier) eratou sa tokitaki kina tabavale e ra ni Matabose ni Qele Maroroi.

Vakadeitaka talega ni inisuataki kece tu na veika me baleta na valenivolavola oqo.

 Vakadeitaka ni dodonu me da na laki vakatataro ki na valenivolavola liu ke dua na noda vakatataro.

More Stories