E A vakataroga ko Viliame

SA dodonu mo ni qaqaruni na lewenivanua e na kena tovolei me taqomaki ka tarovi na kena dewa na mate qo na chickenpox.

SA dodonu mo ni qaqaruni na lewenivanua e na kena tovolei me taqomaki ka tarovi na kena dewa na mate qo na chickenpox.

E a veivakasalataki na Minisitiri ni Bula e na kena tauri rawa e 53 na kisi ni chickenpox e Suva e na vula sa oti.

Sa veivakadreti tiko na Minisitiri ki vei ira esa tauvi ira tiko na chickenpox mera ubia na ucudra kei na gusudra ena veigauna era dau vu se suru kina, ka lako vata ena nodra dau savata na ligadra ka mera kakua talega ni vakayagataka vata na i yaya ni kana, kakana kei na bilo ni gunu wai.

Na mate qo na chickenpox (varicella) e dua na mate ka vakavuna na manumanu ni mate ka vakatokai na ?herpes zoster virus? ka yacana talega na ?Variella-Zoster virus?.

Na mate qo e rawarawa na kena dewa ke sega na qaqarauni ka dodonu vei kemuni o ni se bera ni cula ni tatarovi e na mate qo mo ni na qaqarauni sara vakavinaka. Tomana ka vakaraitaka na Mnisitiri ni vakatakilakila ni kena tauvi iko na mate qo ena basika ni oti e rua na macawa ni sa tiko vei iko na kena manumanu. Ena rawa ni tekivu mai e na malumalumu ni yago, vakawai na ucu, sega ni bula vinaka ka lako vata kei na drakusi ni kuli ni yagona.

?Na mavoa se drakusi e na kuli ni yago e na rawa ni tekivu mai e na dua na vuce damudamu lailai ka rawa sara ni levu me vakawai ka vakamawe tu me vaka na milamila.

?Na mate qo ena rawa ni tekivu mai e na vuvu ka dewa sara yani kina kena vakawai na drakusi e na yago,? e dusimaka tiko na Minisitiri.

Kuria ka kaya ni ko ira na marama era tiko bibi (bukete) e dodonu mera qarauni ira ka me kakua ni tauvi ira na mate qo ka dodonu mera na sikovi vuniwai ke ra vakakila na malumalumu ni yago vu mai e na chickenpox.

Na bibi ni mate qo e rawa sara ni yacovi iko na niumonia se malumalumu ni vakasama.

Veika mo kila: Na kena vakatakilakila ni sa tauvi iko tiko na chickenpox e na tekivu e na dua na malumalumu ni yago, bi ni ucu se vakawai ni ucu, ka lako vata kei na mavoa ni kuli ni yago ka qai mai damudamu tu yani me vakawai tu.

E dewa vakacava: Na manumanu ni mate qo e dewa ga ke suru se vu tiko o koya esa tauvi ko ya ka sa na rawa ni dewa vei iko e tiko volekati koya, o kemuni na bukete e dodonu mo ni na vakayawaki kemuni mai vei koya e tauvi koya tiko na chickenpox.

Na cava e dodonu me caka: O koya e tauvi koya tiko na mate qo e dodonu me na dau ubia na ucuna se gusuna e na gauna e suru se vu kina, biuta tani e na benu nai qusi ni nomu luka se cava o dau vakayagataka ni o suru se vu. Savata vinaka na ligamu kakua ni drau vakayagataka vata na ayya ni kana kei na kakana, vaka kina na bilo ni wai ni gunu.

More Stories