E 30 ena Pasivika

Update: 11:25AM ESA na rawa ni ra vakaraitaka na veitaledi ni rakavi e tu vei ira na dauqito ni Pasivika ki na vei kalavo rogo ni rakavi mai valagi.

Oya na veika e vakaraitaka ko Peter Horne na manidia liu ni �World Rugby� ena vuku ni veidinadinati e rau sa mai sainitaka kei na soqosoqo ni dauqito rakavi ena Pasivika oya na timi ni Viti, Samoa kei Toga kei na �Pacific Island Players Association�. Na veidinadinati oqo e solia na galala vei ira na dauqito rakavi ena Pasivika me vaka e tukuna tiko o Horne.

Era sa digitaki na lewe 30 na dauqito mai na tolu na timi ni Pasivika qo ni oti na i ka tolu ni wavoki ni sotasota ni World Rugby Pacific Challenge, ka vakayacori ena ANZ Stadium e Suva.

Era na qai la�ki keba macawa dua tiko na dauqito e ra sa digitaki qo ni bera ni qai digitaki na dauqito uasivi ka me ra laurai yani kina veikalavo ni rakavi ena sotasota ni Super Rugby, ITM, Mitre 10 kei na so na kalavo ni rakavi mai Ositerelia ka ra vakaitavi tiko ena sotasota ni �Australia National Rugby Championship�. 

Ena loma ni dua na macawa nodra keba tiko, era na dikevi vakavuniwai, nai tuvaki ni yagodra, na veika era rawa ni cakava ena gauna ni qito, na kaukauwa e tiko kei na vakasama ka me rawa ni laurai rawa na tuacoko me kunei vei ira na lewe 30 na dauqito ni bera ni qai ra kacivi. E kuria o Horne ni sa na vukea na Pasivika na kena tubu na veitaledi ena rakavi ena vanua o Viti, Samoa kei Toga.

Esa na vakayacori tiko na porokaramu qo ena veigauna kece e vakayacori kina na sotasota ni Pasivika (Pacific Rugby Challenge). Ia, ni mai cava na i katolu ni wavoki ni sotasota qo esa mai qaqa kina na timi ni Fiji Warriors ka ni vakadrukai ratou taucoko na timi ni Samoa A, Toga kei Junior Japan.

More Stories