Duabau ena vakawati

ENA yacovi na duabau ni qarava vakavinaka na yalewa vakawati nona i tavi.

A. Sai Tavi Ni Yalewa Vakawati Me Ciqoma Ka Muria Nai Tuvatuva Ni Kalou Me
Baleta Na Vakawati.

1. Na yalewa vakawati sai valavala vakayalomatua. Efeso 5:15-16
2. Erau sa tautauvata na tagane kei na yalewa me vaka nai tuvatuva ni Kalou. Kalatia 3:28
3. Sa sega ni tu tani ko tagane se yalewa ena nodrau i vau ni vakawati. 1Koronica 11:11
4. Na yalewa vuku sa kila rawa nai tuvatuva vakalou baleta na vakawati, vakabibi na nonai tavi.
a). Ni sa lewa na Kalou me ulu ni vuvale na tagane. Efeso 5;23
b). Sa lesi na yalewa mei vukevuke yaga. Vakatekivu 2:18
c). Sa lesi rau na tagane kei na yalewa na Kalou me rau vakayacora na lomana
ena nodrau vakararavi ki vua. Joni 15:5b.
B. Nai Tavi Ni Yalewa Vakawati: Lomana Dina Sara Na Watina.
Taito 2:4
1. Na loloma sa dua nai tuvaki ni yalo ka sinai ena veiciqomi.
a) Ciqomi watimu ena nona i tutu sara ga oya -edua ka sega sara beka ni taucoko. Na veiciqomi oya e sega ni vakatau ena veika e rawata, ia ena vuku ga ni sai solisoli ni Kalou vei iko ko koya.
b) Ciqomi nona vakasama, na yalona kei na nona gagadre.
c) Ciqomi koya ka veitalia nona druka se malumalumu.
2. Na loloma sa dua na draki talei ni soli bula.
a) Na loloma sa vakadeitaka vei iko ni ka bibi duadua vei iko na watimu.
b) Na loloma ko na dau vakaliuci watimu tu ga kina
c) Na loloma sai koya na vakatudaliga (vakarorogo).
3. Na loloma e sereki kina vakasavasava na gagadre vakayago.
Sere i Solomoni 7:10-12.
2.
C. Nai Tavi Ni Yalewa Vakawati Me Tokona Na
Watina
1. Na veitokoni ka sega kina na duiduile. Vosa Vakabalebale 21:9
2. Na veitokoni ka vukei watimu me yaco me dau veiliutaki vakalou.Vosa Vakaibalebale 12:4
a) E gadreva nomu veitokoni e nona qaravi i tavi kei na cakacaka
b) E gadreva nomu veitokoni ena maliwa ni lewe vuqa.
3. E gadreva nomu veitokoni ena nona liutaka nomudrau veimaliwai
vakaveiwatini.
a) Enai Vola Tabu e vakatokai na veitokoni oqo me yalomalumalumu. Efeso 5:22-23
b) Na yalomalumalumu e sega ni kenai balebale :
1. lailai sobu se beci
2. Mo vakayalia nomu dokai
3. Muri vakamataboko
4. Moi vakarawa wale ga ni ka
5. Mo laiva na watimu me vakalolomataki iko se vakacacani iko.
C. Ia na yalomalumalumu sa kena i balebale:
Nomu laiva na watimu me vakavatukanataka nai tuvatuva ni Kalou me baleta na vakawati
Nomu tokoni watimu me taura nai kalawa ni veiliutaki
Nomu rokova na Vosa ni Kalou. Taito 2:5b.
D. Nai tavi ni yalewa vakawati: Rokova na watimu
Efeso 5:33b

Rokova enai Vola Tabu, sa kena i balebale, laveta e dua tani tale me dokai kina
Rokova na watimu e okati kina nomu kila mada nona bula ka ciqomi koya.
Mo kila na bibi ni i tavi e colata
Mo kila ka ciqoma nona gagadre ni tagane
Mo kila ka ciqoma ni vuqa na ka e duidui kina ni tagane.
Veivakayaloqaqataki – ena vakadeitaki koya nomu veitokoni
Vukei koya ena kena tarai cake nona bula
Tukuna vua “Au vakabauti iko” se “E tu noqu veivakabauti vei iko”.
Vakacaucautaki koya – Oqo ena vakaukauwataki koya cake
Vosa vinakataki koya ena ka vinaka kece e cakava
Bau tukuna “Au qoroi iko ena ka ko a cakava o ya”
Kena I Soqoni
A. Na nomu mai yaco mo I vukevuke yaga vua na watimu sa vauci kina e rua
nai tavi bibi.
E tekivu enai vakarau ni yalo ni nomu vakararavitaki iko vakatabakidua vua na Kalou. I Pita 4:19
Sa gadrevi kina na vakatulewa dodonu.
B. Ni ko sa musuki iko ki nai tuvatuva ni Kalou me baleta na vakawati, sa rawa kina mo bulataka na loloma, na veitokoni kei na rokovi nei watimu me yaco kina ko koya mei liuliu-dauveiqaravi ka a kacivi koya kina na Kalou.
Nai Tavi Ni Tagane Vakawati Ena Duabau Ni Veiwatini

Ni Vakayacora Vakavinaka Nonai Tavi Na Tagane Vakawati Ena Yaco Tiko Na Duabau Vakaveiwatini.
A. Sa i tavi ni tagane me ciqoma nai tuvatuva ni Kalou me baleta na vakawati.
Sa vakarautaka na Kalou edua nai tuvatuva vakalou ni vakawati.
Sa lewa na Kalou me ulu ni veiwatini na tagane.
Efeso 5:23
Sa lewa na Kalou mei vukevuke yaga na yalewa ena bula vakawati.
Vakatekivu 2:18
Sa lewa na Kalou me rau veinuitaki ka veiraviti na tagane kei na yalewa.
Ikoronica 11:11
Sa lewa na Kalou me rau bibi ruarua na tagane kei na yalewa, dina beka ni
na taleitaki vakalevu cake e dua vei rau ena so na gauna. Kalatia 3:28
Sa bulia na tagane kei na yalewa na Kalou me rau yacova na taucoko ni nodrau a buli ke rau vakararavi vakatabakidua vua. Joni 15: 5b.
B. LOLOMA ME VAKA NAI VAKABULA – Efeso 5:25
Na loloma e vakasaqara nai veika talei ni Kalou me nona noda i tokani.
Kolosa 3:19
Na loloma e soli bula
Na loloma sa dua na ka e yaco kina na vakatulewa vinaka
Na loloma e soli ena vakarorogo vei Karisito, ka sega ni vakatau ena vinaka se ca nei watimu.
Na loloma e sega walega ni vosataki, ia e bulataki
Na loloma dina eda cakitaki keda kina.
Na loloma e vakamua kina na nanumi kei na vakasaututaki ni bula nei watimu.
C. VEILIUTAKI ME VAKA NA DAU VEIQARAVI
Na veiliutaki e na loma ni vakawati e yavutaki ena yavu vakalou ka sega e na veika e rawata e dua. I Koronica 11:3
Na veiliutaki e loma ni vakawati e yavutaki vei Karisito, sega ni yavutaki e na I le ni lewe vuqa. Marika 10:42-43.
Na veiliutaki e okati kina na veika e ra gadreva na lewe ni vuvale. 1Timoci 5:8
Na tagane vakawati e dodonu me matata tu nona qarava na ka vakailavo.
Na tagane vakawati me tu vakarau me solia na galala vua na watina me qarava nai tavi tale e so vakatina.
Na tagane vakawati me dau tu e liu e na kena sotavi na gagadre ni vuvale.
Qarauna: Ni ko vakawaletaka na nomui tavi mo sega ni loloma, veiliutaki ka maroroya na watimu, ko na vakacudruya na Kalou. (Malakai 2:14-15)
Nanuma: – Sa ka bibi mo kila ni sega ni dodonu mo vakasaurarataki watimu me muri iko. Ia mo moica ga na yalo i watimu e na nomu tamata dina, dau loloma ka gugumatua. Nai liuliu vinaka sa dau loloma, ia ko koya e dau loloma sa dauniveiliutaki vinaka.

More Stories