Dua ga na papitaiso

Oqo na nona i vakamacala o Nai Talatala Qase vakacegu, Pauliasi Vatanitawake ena nodra mai tinia tiko na vakasama ni papitaiso.
Ni wiliwili sara yani.

“Sa duabauga na Turaga, sa duabau ga na vakabauta. Sa duabau ga na veipapitaisotaki.
Sa kila ko Paula ni na levu na papitaiso ena caka, ka sa vakasala kina vei ira mai Efeso.

Ena Lotu Wesele, ke dua na lewe ni soqosoqo lotu va- Karisito, e sa mai Lotu Wesele, ena sega tale ni mai papitaiso tale, me vaka ni papitaiso oti mai ena nona I soqosoqo lotu.

E dua na cauravou, e a talanoa vei au, ni sa tuburaki oti ena nona lotu oti sa qai nanuma me sa veisau tale ki na dua na i soqosoqo lotu, ka tukuna ki na lotu koya, ni sa toburaki oti mai.

E a mani kaya vua na i Talatala ena lotu koya, ke ko sa mai via lotu eke, ia mo sa toburaki tale.

Ia sa koto eke e dua na i vakasala, sa dodonu me da muria na vosa nei Paula, me dua ga na papitaiso, ka dua ga na vakabauta.

Ka duabau ga na Turaga.

Na i tinitini, ni vakasala vei keda, me sa katuba ga ni bula tawamudu ko Jisu kei na nona yalo dodonu.

Maciu 6: 33
Ke dua mai na i Vola Tabu, me da bulataka na nona BULA, sai Eparama ga. O koya e vakatokai me Tama ni Vakabauta kei na i valavala dodonu. Ena Luke 16: 22- 23.

Ni sa mate ko Lasarusa na dravudravua, sa wawa tu mai ko Eparama mai na bula tawamudu, ka sa ciqomi Lasarusa ena yalomarau.

Ia ko Taivesi ( na vutuniyau) ki na rusa ka tawamudu.

Ko Eparama sa sega ni tukuni na nona papitaiso. Ia sa tu mai na BULA TAWAMUDU, ni sa vakayacora na loma ni Kalou.

Ka sa bulataka na i valavala kecega ni yalododonu.

Sa levu na matalotu eda sa lewena ka na levu talega na noda papitaiso. Me da rogoca tale mada ni Turaga vei rau na veitacii, Marika 10: 40.

“Sa sega ni noqu me’u solia vakailoa, vei ira ga sa vakarautaki me nodra. Me da bulataka mada na Vosa i Jisu.

Ena Joni 6: 47- O koya sa vakabauti au sa rawata na bula tawamudu.

More Stories