Draki e Palimedi

VAKADEITAKA o Pio Tikoduadua ka a Minisita tu e liu ni Veilakoyaki, ka nona tikoqe voleka sara o Voreqe Bainimarama ni draki ni veitalanoa e Palimedi, e vakaraitaka tu na i vakarau kei na i rairai ni vanua.

E  i takitaki ni Nai Lalakai  ena macawa oqo, vakaraitaka sara e vuqa na ka e gadreva me na vakayacora ena vuku ni vanua o Viti kei na kena sagai na bula veimaliwai kei na veimaliwai ka dau kilai tani kina o Viti.

E na nona sa cegu mai na cakacaka vaka minisita ka lewena na Palimedi mai na 2014 ka yacova na gauna e kacivaki kina ni sa kerea na nona vakacegu, e raica ka vakadinadinataka na levu ni lewenivanua e Viti era sotava na dredre kei na bula dravudravua.

?Kevaka au sa mani lesu tale ki Palimedi, au na vinakata me?u na vueta cake na bula dravudravua ka sa vakilai ena veivanua kece e Viti.

?Mai nakoro, e dau bolei tiko na noqu bula, o ira na buqu kei na tinaqu, era se sagi ota tikoga ena gauna oya me ra laki basa, sera cakava tikoga na marama ena gauna oqo na i vakarau ni bula oya.

? E sega ni dua na veisau kei na tagede ni bula e vinaka e laurai.

?Ena gadrevi me na vakabulabulataki na bula vakailavo ni noda vanua, ka na qai laurai na veisau ena bula ni lewenivanua e Viti,? e kaya o Tikoduadua.

Ia, e vakabauta o Tikoduadua ka kila ni se tikoga na i nuinui e Viti, ka rawa vei keda na lewenivanua me da na cakacaka vata ka veilomani.

? Vakabibi na noda ciqoma na duidui kei na veika era dau vakabibibitaka na veimatatamata eda sa mai bula veimaliwai vata tu ena gauna balavu.

?Baleta ena mata ni Kalou, eda sa duabau ga, ka sega kina na veivakaduiduitaki,? e kaya.

E vakabauta talega vakalevu na turaga ni Dawasamu oqo e Tailevu ni ka bibi na bula ni veivosovosoti, me da qai rawa ni sereki ka toso kina ki liu.

More Stories