Domo ni Parofisai mai na Lotu ni Kavitu

Update: 10:49AM ESA koto oqo e ra na i kuri ni i tukutuku ni Domo ni Parofisai mai na Lotu i Kavitu e Viti, ni wiliwili sara yani.

Wilika vakavinaka na tikina oqo. Oi keda kece e dodonu meda kaukauwa. Meda dau talairawarawa vua na Kalou. E tu e vuqa na ka e sega ni dodonu me da vakayacora.

Na i Vola Tabu e tukuna tiko na gagadre kei na dokadoka. Ko ira kece era sega tiko ni muria na Kalou era bula tiko ena gagadre ca e kena i balebale ni da via bula tiko e na bula ni veika vakasisila. Ko ira kece era vinakata na veika ca era na vakarusai.

Ko ira kece era tauri Jisu me nodra i tokani era na sega ni dodonu me dukadukali na ka eda vakasamataka se na veika eda vakayacora tiko. E kainaka na i kavitu ni vunau, �Mo kakua ni ia na veibutakoci�. (Lako Yani 20:14). Na i Vola Tabu e vakaraitaka ni rawa vua e dua me basuka na i ka vitu ni vunau e na ka e raica.

�Ka�u sa kaya vei kemudou. O koya yadua e na raica na yalewa me dodomo kina, sa dau yalewa oti �o koya e na lomana.� Maciu 5:28.

E daidai sa sinai tu ko vuravura e na veika vakasisila. Sa dodonu vei keda na tamata lotu me da savasava e na veika eda vakasamataka, kei na yagoda. Ko ira na turaga me ra lomani ira na watidra. Sa dodonu me da tau yadua ga na watida.

Oqo na i naki ni Kalou mai na i vakatekivu e na gauna e a buli Ivi kei Atama kina.

Oqo esa nona i naki tudei tu ga e daidai.

Na i Vola Tabu e vakaraitaka na gaunisala ni tiko bulabula. Na i vakaro oqo e na vakayagataki e na veitabagauna kecega. Na i Vola Tabu e sega ni dau vakaraitaka na yaca ni veika kece e sega ni vinaka vei keda. E na Vunau e Tini e tu kina na i vakasala tawa mudu. Ni da rai e na loma ni vakasala oqo ko na kunea kina na yaca ni veika e sega ni vinaka vei keda.

�Dou vosa vakaidina, kai valavala vaka kina, me vakataki ira era sa lewai me vaka na vunau ni veisereki.� Jemesa 2:12.

Me da qarauna na veika eda raica

3. A cava e vakaroti vei ira na Isireli me ra vakarusa e na vanua yalataki?

�Dou na qai vakasavi ira tani kecega e matamudou na lewe ni vanua koya, ka vakaotia na nodra matakau ceuti kecega.� Tiko voli mai na Lekutu 33: 52.

Na i yaloyalo oqo era ceuti ka vakatakarakara ni Kalou ena vanua koya. E daidai sa tu ga eso na ka vakasisi la e volai tu. Na i yaloyalo ca era tabaki e na veivosa e vuqa.

E na so na vanua era kunea ni tu eso na i yaloyalo ca era vakaraitaki tu e na so na lalaga ni nodra dui vale.

Ko ira na tamata lotu e na sega ni kune e na nodra vale e dua na mataqali yaloyalo vakaoqo.

Eso na i lala tamata era raica e 250 na i yaloyalo. E na i yaloyalo oqo era rica kina e 97 na tamata dau laba, 45 era vakamatei ira ga.

Tiko tale ga e 94 na veimataqali ka vakasisila. Vei ira era vakaraitaki oqo e lewe 176 era tamata dau butako, 25 era marama tovo ca, ka 35 era dau mateni.

E rawa beka vei keda me da raica na mataqali yaloyalo oqo ka yalo savasava tikoga? Vakasamataka mada na taro oqo e na vica na miniti. Sa noqu masu me vukei keda na Kalou ena noda wilika, vakabauta ka muria na nona vosa.

Ena qai tomani tale yani.

More Stories