Domo ni Parofisai mai na Lotu i Kavitu ni Lesu Vakarua Mai

Update: 11:16AM ESA koto oqo era nai kuri ni tukutuku ni Domo ni Parofisai mai na Lotu i Kavitu ni Lesu Vakarua Mai e Viti kei Rotuma, ni wiliwili sara yani.

Vakacava ko koya na tamata dau butako. Ea lako beka li ki lomalagi na tamata dau butako koya. 

Oqo e dua na ka e dodonu mo kila. Na Veiyalayalati Vou e a volai e na vosa vaka-Kiriki. Ena vosa vaka-Kiriki e sega na koma. Oqo era qai biuta ga kina na turaga era vakadewataka mai na vosa vaka-Kiriki kina vosa vakavavalagi. 

Ena Luke 23:42, 43 na koma e a tarava na vosa ?

E na siga e daidai: Oqo na kena i balebale. A sa kaya ko Jisu, ?Au sa kaya vakaidina vei iko e na siga e daidai, e daru na tiko vata mai Parataisi.? 

E a sega ni mate ena siga koya na tamata dau butako. (Joni 19:31,33). 

E a sega ni lako ki lomalagi. A tucake tale ko Jisu e na Siga Sade. Vosa tiko vei Meri ka kaya ni se bera ni lesu mai lomalagi vei Tamana. 

(Joni 20:17) E a sega ni lako kina ki lomalagi e na siga koya na tamata dau butako kei Jisu baleta ni a sega ni lako ki lomalagi ko Jisu e na siga e a mate kina.

Era a sega ni sota mai lomalagi e na siga Vakarau koya. 

E na qai kacivi koya na dau butako ko Jisu e na siga e na lesu tale mai kina. Sa na qai yaco me dina na Nona vosa ni yalayala.

E cava e kaya na i Vola Tabu me baleti ira na yalo

12. E dodonu li me da tovolea me da veivosaki kei na yalo ni tamata mate?

Me kakua ni kune vei kemuni e dua na rairai, se dua sa dau digitaka na siga eso, se dua sa dau ia na parofisai e na gata, se dua sa taroga na tamata sa mate. 

Ni ra sa tamata vakasisila vei Jiova ko ira kecega sa kitaka na veika oqo.? Vakarua 18:10-12. 

Ena i Vola Tabu, eso na tamata era dau via tovolea mera veivosaki vata kei ira na mate. 

E kaya na Kalou ni oqo e dua na cakacaka ca e sega ni dodonu me da kitaka. Ena sega ni rawa me ra veivosaki kei na yalo ni tamata mate. Era sa moce tiko ko ira na mate. 

Na veivosaki e caka oqo, kei ira ga na agilosi ca nei Setani. Ko ira na Agilosi ca oqo era talaidredre Vua na Kalou. 

Edaidai ko ira na tamata era veivosaki vata kei ira na yalo ni mate era vakatokai me ra Daurairai se Vakaluveniwai.

Ena so na vanua era dau vakatokai ira me ra Vuniwai ni tevoro se Bete ni tevoro. 

Era dau tovolea me ra veivosaki vata kei ira na mate. 

Oqo na nona cakacaka na tevoro. Era dau veivosaki vata ga kei ira na agilosi ca ko ira na tamata vakaoqo. Sa kaya na Kalou ni sega ni rawa ni vosa na tamata mate. 

E tovolea ko Setani me da vakabauti ira na agilosi ca. Sa noqu masu me vukei keda na Kalou e na noda wilika, vakabauta ka muria na nona vosa. 

Sa noqu masu me vukei keda na Kalou ena noda wilika, vakabauta ka muria na nona vosa. 

Ena qai tomani tale yani.

More Stories