Domo ni Parofisai mai na Lotu i Kavitu e Viti

Listen to this article:

Domo ni Parofisai mai na Lotu i Kavitu e Viti

ESA koto oqo e ra nai kuri ni itukutuku ni Domo ni Parofisai mai na Lotu i Kavitu Ni Lesu Vakarua Mai, ni wiliwili sara yani.
E Vei Ko Ira Na Mate?
Wiligusu: “Oi au na vuni tucake tale, kei na vu ni bula ko koya sa vakabauti Au, kevaka sa mate, ena bula ga.” Joni 11:25.

Nai valavala ca e kauta vata mai kei koya na tauvimate kei na mate. O na nanuma na nona lasu ko Setani mai na were ko Iteni. E a kaya, “rau na sega dina ni mate” Vakatekivu 3:4. Setani se tovolea tikoga me vakayaloqaqataki keda me da vakabauta na lasu ko ya. E na gauna mada saraga oqo sa vinakata ko koya me da vakabauta ni da na sega ni mate.
Na mate sa ka dina. E vosa ni yalayalataka ko Jisu ni da na bula tale. Oqo na Nona vosa ko Jisu.
E tukuna vei keda na ka e baleti ira na tamata mate. E kila na ka e na yacovi ira.

1. Na taro cava era dau taroga vakavuqa na tamata?
“Ia sa mate ga na tamata, ka sa takali yani. Io sa ciba na tamata. Ka sa e vei ko Koya?
Kevaka sa ciba na tamata, ena bula tale ko koya? Jope 14:10, 14.
Vuqa vei ira na tamata era sega ni kila nai balebale ni mate.
Era dau taroga, E vei ko ira na mate?
Baleta ni ra sega ni kila. Era rerevaka na mate.
Era sega ni kila na ka e yaco ni sa mate e dua. Na i Vola Tabu e tukuna na kena i sau.
E sega ni dodonu me da rerevaka na mate. Na i Vola Tabu e tukuna vei keda na sala ni noda bula tale.
E da kila ni mate ena yacovi keda kece. E teteva na veivanua kei na veikoro kei na veivale. Mate e veisautaka na marau me rarawa.
E dua na gone lailai e na rairai marau koto ena mataka, ka mate ena lomaloma ni bogi.
Na mate e lako mai vei keda ena vei valenibula kece, veibasoga ni sala, kei na vanua ni veiraravui.
Eda dau bikai ena rarawa ni dua eda dau lomana vakalevu ka qai mate. Ko Jisu e vinakata me da kila na veika kece me baleta na mate. Sa na qai rawa me da vakarau tu kina.

Na Mate Era Sega Ni Bula Tiko

2. Ni sa mate e dua na tamata evei na vanua era vakasamataka na lewe vuqa ni lako kina ko koya?
“Ko cei sa kila na yalo ni tamata sa lako ki cake, kei na yalo ni manumanu sa lako sobu ki vuravura.” Dauvunau 3:21.
Vuqa na tamata tawa lotu era a vakabauta ni mate e dua na tamata vinaka e na lako kina dua na vanua vinaka.
Ia, vei ira eso na tamata lotu era vakabauta ni lako ki lomalagi.
Eso na tamata era kaya ni sega ni mate dina, na yagona walega.
Dua tale na yasana era kaya ni lako ki lomalagi. O koya beka na ka oqo e vakatavulica na i Vola Tabu?
Na Kalou e sauma kece na noda veitaro e na loma ni Vola Tabu.
Me da wilika mada nai Vola Tabu ka dikeva na dina.
Sa noqu masu me vukei keda na Kalou ena noda wilika, vakabauta ka muria na nona vosa.
Ena qai tomani tale yani.

Array
(
    [post_type] => post
    [post_status] => publish
    [orderby] => date
    [order] => DESC
    [update_post_term_cache] => 
    [update_post_meta_cache] => 
    [cache_results] => 
    [category__in] => 1
    [posts_per_page] => 4
    [offset] => 0
    [no_found_rows] => 1
    [date_query] => Array
        (
            [0] => Array
                (
                    [after] => Array
                        (
                            [year] => 2023
                            [month] => 12
                            [day] => 19
                        )

                    [inclusive] => 1
                )

        )

)