Digitaki na timi

SA MAI kacivaki e na siga Moniti na yacadratou na noda toa ni vala ka lewena na Fiji Airways 7s, ka ratou na matataka tiko yani na noda vanua ko Viti ki na sotasota ni HSBC World Rugby Sevens ka na la?ki vakayacori tiko ki Las Vegas kei Canada e na macawa rua mai oqo.

E vakaraitaka na dau ni veivakatavuklici o Geareth Baber ni biuti iratou vata tale na cauravou ka ratou laveta na rara mai Niu Siladi, ka ni kaukauwa sara na nodratou qito, ia o iratou na vo ni cauravou e ratou na tiko mai e na ruku ni veiterenitaki nei Saiasi Fuli e na vakavakarau ki na qito ki Hong Kong kei na Commonwealth Games ka na la?ki vakayacori ki Ositerelia e na vula ko Evereli.

E bolei iratou na cauravou o John O?Connor, na i vakalesilesi e cake ni Fiji Rugby Union, e na nona kaya ni rawa ni ratou laveta ruarua na rara mai Amerika kei Canada, o ira na noda toa ni vala.

Tomana o O?Connor ni ka kece e sa tiko vei iratou na cauravou, ia sa qai vo ga na nodratou lai meketaka i rara. Sa tu talega na nona vakanuinui ni na sala vata tiko kei iratou na cauravou na loloma levu ni Tamada sa tabogo, ka me rawa ni cecebuye tiko na nodratou veigauna ni qito.

E na tekivu tiko na Las Vegas Sevens vula mai oqo (Maji) na i ka 2 ki na i ka 4 ni siga e na Sam Boyd Stadium, Nevada e Amerika.

O Viti e na qito tiko vakatobu kei iratou na timi ni Kanya, Varanise kei Rusia e na i wasewase na Pool A. Sa nanumi tiko ni ratou na biuta na noda vanua o iratou na noda toa ni vala nikua, ia na qito mai Canada e na la?ki vakayacori tiko e na i ka 10 kei na i ka 11 ni siga ni Maji.

E ratou sa digitaki me lewena na timi ni Viti o:

1. Josua Vakurunabili, 2. Paula Dranisinukula, 3. Mesulame Kunavula, 4. Jasa Veremalua, 5. Vasikali Mudu, Jerry Tuwai, 7. Vatemo Rvouvou, 8. Amenoni Nasilasila, 9. Waisea Nacuqu, 10. Sevuloni Mocenacagi, 11. Alusio Naduva, 12. Eroni Sau, 13. Kalione Nasoko.

More Stories