Dei o Nadroga ena sulu ni BLK

ESA mai sainitaka tale na timi ni Nadroga me tolu na yabaki na nona veiwekani tiko kei na sitoa ni volitaki yaya ni qito, na BLK ena Moniti.

Ni vo toka ga e vica na auwa me ratou biubiu ki Ositerelia ena nodratou na la?ki qito tiko me rua na macawa, ea tukuna o Tiko Matawalu na peresitedi ni timi ni Nadroga ni ratou na dei tiko ena BLK ena vuku ni uasivi na nodratou i yaya ni qito kei na nodratou dau tokona rakavi ena loma ni yasana.

E kuria o Matawalu ni oqo e dua na ka e ratou marautaka kina na veiwekani qo na timi ni Nadroga.

Ia, e tukuna o Josefa Matau na manidia liu ni BLK ni ratou marautaka na veiwekani vata kei na timi e liu tiko ena sotasota ni yasana ena noda vanua.

Ea solia na nodra siqeleti kei an nodra i vava na BLK ena i yaya ni qito ka vaka kina na nodra i sulu na dauqito. Na yaca ni vava ni qito ka solia na BLK e yacana na Koula.

More Stories