Dauqito ni yabaki o Nasoko

Update: 11:26AM ME na qito ena sotasota ni Hong Kong 7s ena vula mai qo e vinakata o Kalione Nasoko. A mai ciqoma na �hooker� ni Fiji Airways Fiji 7s na dauqito ni yabaki 2017 ena sotasota ni rakavi lewe ya vitu.

E kaya o Nasoko ni vakavinavinakata na Kalou ena nona veitaqomaki ka veituberi mai na sotasota ni HSBC Sevens Series mai na 2017 kei na 2018. E vakavinavinakataka na dauniveivakatavulici, vakalesilesi kei ratou na lewe ni timi ni Viti ka vakavuna me rawata kina nai covi qo.

Na cauravou yabaki 27 qo e wili tiko ena i lala cauravou vakarautaki kina sotasota ni Commonwealth.

E tukuna o Nasoko ni sa tiko na takete me rawati nai covi ni poidi levu duadua ena sotasota ni rakavi lewe ya vitu, koula ena Commonwealth kei na rakavi lewe ya vitu ni vuravura ka kuria ni na sega ni guilecava na qito mai Hong Kong ka ni a vakauqeti koya taumada me na qito kina.

A solia na nona i vakanuinui vinaka vua na turaga nona i tubutubu ko Iliesa Rasoqo ena gauna e ciqoma kina nai covi ni dauqito. E kaya o Nasoko ni dautokoni koya vakalevu na nona itubutubu ena veivanua kece e gole kina ena dau muri koya voli kina.

Ia, ena gauna qo esa mai  kacivi talega o Terry Tamani na �halfback� ni timi ni Tabadamu me na tomani ratou na cauravou ni Viti ka ra vakarautaki tiko ena keba ni Fiji Airways Fiji 7s ena nodra vakarautaki tiko kina sotasota ni Hong Kong 7s. O Tamani a gole tu i Iurope ka sa lesu tale mai ka mai qito tale tiko ena vica na sotasota ni rakavi lewe ya vitu ka vakayacori tiko ena noda vanua.

Ia, esa lesu talega mai Iurope o Gareth Baber na dauniveivakatavulici ni timi ni Viti ena nona la�ki veitalanoa kei na so na cauravou dauqito ni Viti era qito tiko mai kea. E namaki me na curu tale tikoga ena timi vakarautaki qo ko Isake Katonibau, Sakeo Railoa kei Samu Bale.

More Stories