Curu ena Force o Dakuwaqa

Update: 12:30PM E SA na biubiu tiko ko Masivesi Dakuwaqa ki Ositerelia ena macawa qo ka me na tomani ratou na timi ni Western Force ena sotasota ni Indo Pacific Rugby Championship. A qito voli o Dakuwaqa ena timi ni McDonald Saunaka ena sotasota ni Fiji Bitter Marist 7s ena mua ni macawa sa oti.

E kaya o Dakuwaqa ni marautaka na nona sa na veitomani ena macawa qo ka me na la�ki vakaukauwa yago vata kei ratou na lewe ni timi Force.

E kuria o koya ni levu na dauqito vinaka ena timi ka sa tu vakarau me na vuli mai vei ira. A mai ciqoma na konitaraki qo o Dakuwaqa ena vula sa oti.

A vakaraitaka talega o koya ni na galala tiko ena vuku ni sotasota ni �Rugby Sevens World Cup� ka na vakayacori tiko mai San Francisco ena Jiulai kevaka e gadrevi koya o Gareth Baber na dauniveivakatavulici ni timi ni Fiji Airways 7s.

E kaya ni na tokoni ratou na cauravou lewe ni timi ni Viti ena sotasota ni Hong Kong kei na Commonwealth ena vula mai oqo, ka kerea talega na noda veitokoni na lewenivanua kei na masu ena vukudratou na timi.

More Stories