Cegu me rua na yabaki

Update: 11:11AM NA dauqito veicaqe (soccer) ena vakatovolei ka qai vakadinadinataki ni vakayagataka tiko na mariwana esa na totogitaki me vakacegui ena qito me 2 na yabaki.

E tukuna o Rajesh Patel na peresitedi ni qito veicaqe e Viti (Fiji Football Association) ni o ira na dauqito era na vakatovolei ka me ra na qai vakauta mai kina isoqosoqo ni veicaqe na macala ni veivakatovolei qo ena veivula ka me vakaraitaka ni ra savasava.

Ia, e kuria o Patel kevaka me laurai tiko na kena vakayagataki na mariwana ena loma ni rua na yabaki esa na vakatabui na dauqito oya ena veicaqe me yacova na nona takali ena buturara ni veicaqe ena noda vanua.

Oya na veika esa vakadeitaki ena kena vakayacori na bose ni soqosoqo ni veicaqe ena noda vanua. Ia, e laurai ni tini na dauqito veicaqe esa kunei ni ra vakayagataka tiko na mariwana ena sotasota ni Vodafone Fiji FACT kei na Inkk Mobile BOG.

E ratou a vakacegui tu me dua na vula na lewe tini na dauqito qo ka mani ratou vakagalalataki me ratou na qito tale ni oti na kena laurai ena vula tarava ni sega ni ratou vakayagataka na mariwana.

Ia, e vakaraitaka na daunilewa ni soqosoqo ni veicaqe ko Mohammed Yusuff ni dua na i tukutuku me baleta na nona gole mai o Roy Krishna me na mai curu ena timi ni Viti.

E kuria o Yusuff ni a sega ni vakadonuya o Darije Kalezi na manidia ni timi ni Wellington Phoenix me na mai qitotaki Viti o Krishna.

Ia, esa vakayacora tiko ga na isoqosoqo ni veicaqe e Viti na veitalanoa kei na timi ni Wellington Phoenix FC ke rawa ni na mai qito o Krishna.

More Stories