Butuki na ilavo e na veigauna

E ratou taba vata toka oqo e na makete levu e Suva na marama ni koro ko Nasigatoka, Namosi, ka i karua toka e na yasana i matau o Liku Melania ka talanoa tiko. Veitaba: VILIAME ODRO

E ratou taba vata toka oqo e na makete levu e Suva na marama ni koro ko Nasigatoka, Namosi, ka i karua toka e na yasana i matau o Liku Melania ka talanoa tiko. Veitaba: VILIAME ODRO

Update: 10:58AM NI da qai yadra mai e na veimataka eda sa butuka tu ga na i lavo me yacova ni sa la�ki dre tale ko Malolo, ia, e sa qai vo ga me cakacakataki.

Oqori na veimala ni vosa e cauraka toka mai o Liku Melania, na marama ni koro ko Nasigatoka e na tikina o Namosi, ni qele ga e da butuka tu e na veisiga e kauta mai na i lavo e na veika e teivaki kina.

E kaya o Melania ni vakaitikotiko mai Korolotu, ka dau waraka e keya na keria na (RSL) me kauta cake na nona i voli ki gaunisala levu ni bera ni qai vakavodoka mai e na basi e na mataka lailai.

E na mataka ni Vukelulu ni macawa sa oti, e gole mai kina ki na makete levu e Suva o Melania kei na nona i voli, a ya na kakana dina, tavioka na dalo, vudi, ota, lalabe, moli kei na quwawa.

Tomana na marama yabaki 64 oqo, ni na sara qito rawa e na siga Vakaraubuka, qai lesu cake tale e na Vakarauwai.

E se bulabula vinaka tikoga na nona sui ni sarisari kei na luvedrau tagane ka dodomo cake sara ki na yatu Lau kei na tolu na makubudrau.

Kuria ni lavo e dau rawata e na nona mai volivolitaki e na makete levu e Suva, e veivuke sara ga e na kakana e na veisiga, na veika e lavaki mai na lotu, kei na vanua.

Sa nona i vakasala ga o Melania ki vei kemuni kece na cauravou kei na gone yalewa, ko ni dau wavoki tu e na veisaqata e lomai Suva, sa i koya mo ni yalovinaka sara, mo ni gole ki na nomuni dui koro me la�ki vakayagataki na koula ka da butuka tu ga e veisiga, me rawa ni rawati kina na tiko vinaka e na veisiga ni mataka.

More Stories